زاگرۆس پۆست
یەزدان حسەین پەناهی لاوی كوردی 23 ساڵ تەمەن كە ماوەی 50 رۆژ لەوەپێش لە لایەن هێزەئەمنیەتیەكانی كۆماری ئیسلامی لە شاری سنە دەسبەسەركرابوو، بە دانانی بارمتە لە زیندان ئازادكرا.
ناوبراو لە ماوەی دەسبەسەربوونیدا لە گرتووخانەی ئیدارەی ئیتلاعات شاری سنە راگیراوە‌و بە توندی لە ژێر لێپرسینەوەی بەردەوامی لێپرسەراندا بووە.
یەزدان حسەین پەناهی رۆژی 8ی جۆزەردان پاش گواستنەوەی لە ئیدارەی ئیتلاعاتەوە بۆ زیندانی ناوەندی شاری سنە بە دانانی بارمتەیەكی قورس لە زیندان ئازادكرا‌و پێدەچێت تا ماوەیەكی دیكە لە لایەن دادگای ئینقلابی ئەو شارە حوكمی بۆ دەربچێت.
