شه‌ممه‌ 6 حوزه‌یران 2020
ماڵەوە / کوردستان / رێكخراوی مافی مرۆڤی كوردستان: دەست لە تاڵانكردنی ئاسەوارە مێژووییەكان هەڵبگرن

رێكخراوی مافی مرۆڤی كوردستان: دەست لە تاڵانكردنی ئاسەوارە مێژووییەكان هەڵبگرن

رێكخراوی مافی مرۆڤی كوردستان ئەمڕۆ شەممە 30 جۆزەردان بە دەرکردنی راگەیاندنێک باسی لەوەکرد، هەندێک نامە‌و سكاڵایان بەدەست گەیشتووە كە بەو پێیە كۆمەڵێك كەس‌و گروپی پەیوەندیدار بۆ حكوومەتی كۆماری ئیسلامی بە شێوەیەكی بەردەوام لە ناوچەكانی كوردستان خەریكی بەتاڵانبردنی ئاسەوارە مێژوییەكانی ئەم ناوچەن.

بە پێی ئەم هەواڵە، ئەو گروپانە بە كەڵك وەرگرتن لە كەرەسە‌و ئامێری تایبەت لە شوێنەكانی دەرەوەی شارەكان، لە ماوەی 3 دەیەی رابردوو بەردەوام خەریكی هەڵكەندن‌و بەدواداگەڕانی ئاسەوارە مێژووییەكانی ناوچەكانی كوردستان‌و گواستنەوەیان بۆ شارەكانی دیكەی ئێران لەوانە تارانن.

هەر لەم ماوەدا كۆمەڵێك ئاسەواری مێژوویی تایبەت بە قەڵای زێویە لە ناوچەی سەقز گوازرایەوە بۆ شاری تاران‌و ئێستاش بۆ كاتێكی دیاریكراو گەڕێندراوەتەوە بۆ كوردستان بۆ ئەوەی خەڵك بیبینن‌و دواتر بەرەو تاران بەڕێی بكەنەوە.

ئەمە لە حاڵێكدایە كە خەڵكی كوردستان خوازیاری ئەوەن ئاسەوارە مێژووییەكانیان هەر لە كوردستان بمێنێتەوە.

رێكخراوی مافی مرۆڤی كوردستان لە كۆتایی راگەیاندنەكەیاندا داوای كۆتایی هێنان بە تاڵانكردنی ئاسەوارە مێژووییەكانی كوردستان‌و گەڕانەوەیان بۆ ناوچە كوردنشینەكان بوون.

بابەتی هاوپۆل

کوژران و برینداربوونی لانیکەم ٤ کۆڵبەری دیکە لە ناوچە سنووریەکانی کوردستان

ھێزە چەکدارەکانی رژیمی ئێران ئەمڕۆ ژمارەیەک کۆڵبەری دیکەیان دایە بەر دەستڕێژی گوللە و لە ئاکامدا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.