پارێزگای كرماشان: كچە قوتابیەك بە دەستی باوكی كوژرا

عاتفە نەویدی كچە قوتابیەكی شاری كەنگاوەر سەر بە پارێزگای كرماشان لە لایەن باوكیەوە بە شێوەیەكی دڵتەزێن كوژرا.

رۆژی شەممەی رابردوو 3ی جۆزەردان باوكی عاتیفە، ناوبراوی بە هۆی خۆشویستنی كوڕێك دایەبەر لێدان‌و لە ئەنجامدا سەری كچەكەی لە جەستە لێكردەوە.

تەرمی عاتیفە نەویدی 18 ساڵ تەمەن كە لە پۆلی دووهەمی دەبیرستان خەریكی خوێندن بوو سەرلەئێوارەی رۆژی یەكشەممە 4ی جۆزەردان ئەسپەردەكرا.

شایانی باسە، باوكی عاتیفە كە ئێستا لە دەسبەسەریدایە هەڕەشەی ئەوەیكردووە كە پاش ئازادبوونی لە زیندان كچەكەی دیكەشی دەكوژێت.