پێنج شه‌ممه‌ 24 كانونی دووه‌م 2019
ماڵەوە / کوردستان / بەكارهێنانی مادەی شیشە لە كوردستان زیادی كردووە

بەكارهێنانی مادەی شیشە لە كوردستان زیادی كردووە

بەكارهێنانی مادەی سڕكەری شیشە كە بە یەكێك لە مەترسیدارترین جۆری مادەی هۆشبەر ناوی لێدەبرێت لە كوردستان رووی لە زیادبوون كردووە.

بە پێی وتەی كارناسان بەكارهێنان‌و كەڵك وەرگرتن لە مادەی هۆشبەری سوننەتی لە كوردستان جێگەی خۆی داوە بە مادەی هۆشبەری سەنعەتی لەوانە شیشە كە یەكێك لە مەترسیدارترین جۆرەكانە بۆ سەر تەندروستی مرۆڤەكان.

بە پێی دانپێدانانی پارێزگاری كۆماری ئیسلامی لە كوردستان رێژەی تووشبووان بە مادەی سڕكەر زیاتر لە 20 هەزار كەسە.

بە وتەی ناوبراو دراوسێ بوونی پارێزگای كوردستان لەگەڵ پارێزگاكانی دیكە كە ئەو بە ناوی پارێزگای ئالوودە یان گیرۆدەی مادەی هۆشبەر ناویان لێدەبات هۆكارێكە بۆ چوونەسەرەوەی ئەم رێژە لە كوردستان.

ئەمە لە حاڵێكدایە كە هاوكات بە پێی ئامارە رەسمیەكانی كۆماری ئیسلامی 41 لەسەدی ئەو دۆسیانەی دەچنە دادگا پێوەندیان بە مەسەلەی مادە هۆشبەرەكانەوە هەیە.

كارناسان‌و شارەزایانی ئەو بوارە لەسەر ئەو بڕوایەن كە نەبوونی مەجالی كاری پێویست‌و ئەو خەمۆكیەی رووی لە كوردستان كردووە‌و ئەوەش بە بەرهەمی سیاسەتەكانی كۆماری ئیسلامی لە ماوەی زیاتر لە 3 دەیەی رابردوو دادەنرێت، هۆكاری سەرەكی پەرەگرتنی ئەم دیارەدەیە لە كوردستان.

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.