زاگرۆس پۆست
وەزیری ناوخۆی ئێران دەڵێت لەئێران بەهۆی بەكارهێنانی مادە هۆشبەرەكان لەهەر سێ كاتژمێر كەسێك گیان لەدەست دەدات.
عەبدولڕەزا رەحمانی فەزڵی، وەزیری ناوخۆو سەرۆكی ناوەندی بەناو دژی مادە هۆشبەرەكان بە میدیاكانی راگەیاند نزیكە یەك ملیۆن 325 هەزار كەس لە ئێران توشی مادەهۆشبەرەكانن‌و زیاتر لە 5 ملیۆن‌و 500 هەزار كەسیش پەیوەندی راستەوخۆیان بە مادەهۆشبەرەكانەوە هەیە.
سەبارەت بە ئاماری توشبووان بە مادەهۆشبەرەكان ئاماری جیاواز لەلایەن بەرپرسانی كۆماری ئیسلامییەوە بڵاوكراوەتە‌و تا ئێستا ژمارەی دروستی توشبووان ئاشكرا نەكراوە.
