چوار شه‌ممه‌ 20 ئه‌یلول 2017
ماڵەوە / کوردستان / لە تاران سووكایەتی بە پەیكەری قالەمەڕە دەكرێت

لە تاران سووكایەتی بە پەیكەری قالەمەڕە دەكرێت

لە درێژەی تێكدان‌و شكاندنی پەیكەرەكان لە شاری تاران، پەیكەری هونەرمەند‌و شمشاڵ ژەنی گەورەی كورد قادر عەبدوڵڵازادە ناسراو بە قالەمەڕە شكێندرا.

ماوەیەك لەوەپێش رێكخراوی شارەداری تاران 3 پەیكەری بۆ 3 هونەرمەندی گەورەی كورد لە سێ شوێنی ناوشاری تاران داناوە كە ئەمەش ماوەیەك لە لایەن كەسانێكەوە تێكدەدرێت‌و سووكایەتیان پێدەكرێت.

پەیكەری قالەمەڕە كە لە سەرەتای چوونە ژوورەوەی پاركی فەرهەنگسەرای ئەرەسباران داندراوە، لە لایەن كەسانێكەوە سووكایەتی پێكراوە‌و شمشاڵەكەی دەستی‌و گۆشەیەكی لە دەم‌و لێوی پەیكەرەكە شكێندراوە.

قادر عەبدوڵڵازادە ناسراو بە قالەمەڕە لە 31ی گوڵانی ساڵی 1388 لە شاری بۆكان ماڵئاوایی لە ژیانكردوو هاوكات بڵاوبوونەوەی ئەم هەواڵە هاوكاتە لەگەڵ ساڵیادی مەرگی ئەم هونەرمەندە گەورەی كوردستان.

 

بابەتی هاوپۆل

ئێران: 8 سەربازی کورد لە ماوەی دوو مانگدا کوژراون

سەربازێکی کورد بە ناوی “تەوحید شەهلایی” خەڵکی شاری کامیاران بە شێوەیەکی گوماناوی کوژرا.