سێ شه‌ممه‌ 21 ئاب 2018
ماڵەوە / ئێران / سوید: سمیناری گۆڕانكاریەكانی ناوچە‌و داهاتووی ئێران دەستیپێكرد

سوید: سمیناری گۆڕانكاریەكانی ناوچە‌و داهاتووی ئێران دەستیپێكرد

پاش بڵاوبوونەوەی راگەیاندراوی كۆنگرەی نەتەوەكانی ئێرانی فیدراڵ لە بابەت بەڕێوەچوونی سمینارێك لە وڵاتی سوید، ئەم سمینارە ئەمڕۆ شەممە كارەكانی خۆی دەسپێكرد.

ئەم سمینارە كە بە بەشداری 16 حیزب‌و رێكخراوی سەر بە نەتەوە جۆراوجۆرەكان، رۆژنامەنووسان، چالاكانی سیاسی سەربەخۆو كەسانی ئەكادیمی دەستیپێكرد، هۆكارەكانی قەیرانی هەمەلایەنە لە حكوومەتی كۆماری ئیسلامی ئێران‌و داهاتووەكەی دەداتە بەر باس‌و لێكۆڵینەوە.

ئاسۆ ساڵح چالاكی سیاسی كورد‌و نوێنەری حیزبی دێمۆكراتی كوردستانی ئێران كە بەشداری ئەم سمینارەیە رایگەیاند، حیزبە سەرتاسەریەكان بە شێوەیەكی زۆر كەمڕەنگ بەشدارییان لەم سمینارەدا كردووە‌و بە وتەی هەندێك لە چالاكانی سیاسی ئەوان لەگەڵ بەكارهێنانی وشەی نەتەوەكانی ئێران كێشەیان هەیە.

ئەم سمینارە كە بۆ ماوەی دوو رۆژ درێژەی دەبێت‌و لەمڕۆ 27ی گوڵانەوە دەستیپێكردووە، روانگە‌و بیرە جیاوازەكان لە بابەت پرسی نەتەوەكان لە ئێران‌و داهاتووی ئەو حكوومەتە دەخەنە روو.

 

بابەتی هاوپۆل

كۆمپانیای نەوتی تۆتاڵی فەڕەنسا لە ئێران كشایەوە

دوای ئەوەی ئەمەریكا سزاكانی بەسەر ئێرانداسەپاندەوە وەزیری نەوتی ئێران رایگەیاند، كۆمپانیای نەوتی تۆتالی فەڕەنسا بە …