بەرزبوونەوەی نرخی كرێ تەكسی لە شنۆ

ئەگەرچی تا ئێستا كاربەدەستانی لایەنی پەیوەندیدار بە شێوەی رەسمی نرخی كرێ تەكسیان رانەگەیاندووە، بەڵام لە رۆژانی رابردوو شۆفێر تەكسی تەلەفوونیەكانی شاری شنۆ بە جێی 700 تمەن بڕی 1000 تمەنیان لە موسافیرەكان سەندووە.

هاوكات لەگەڵ ئەوە نرخی كرێی ئەو تەكسیانەی لە سەر راستەی شەقامەكاندا لە حاڵی گواستنەوەی موسافیرەكانن، لە 150 تمەن بەرزبوەتەوە بۆ 250 تمەن.

پاش زیادبوونی 75 لەسەدی نرخی بەنزین‌و 30 لەسەد زیادبوونی نرخی گازی سی ئێن جی كە پاش دەوری دووهەمی ئامانجداركردنی یارانەكان هاتە ئاراوە، نرخی كرێی تەكسی لە شاری شنۆ بە بڕی 43 لەسەد بەرزبوونەوەی بە خۆیەوە بینیوە.

شایانی باسە، لە ماوەی رابردوو نرخی كرێی گواستنەوەی موسافیر بۆ دەرەوەی شاری شنۆ لە ماوەی دەسپێكردنی ساڵی نوێ بە بڕی 20 لەسەد بەزربوونەوەی بە خۆیەوە بینیوە.