یه‌ك شه‌ممه‌ 18 تشرینی دووه‌م 2018
ماڵەوە / جیهان / سه‌رۆكی‌ ئۆپۆزسیۆنی‌ سوریا به‌ توندی‌ وه‌ڵامی‌ هۆشیار زێباری‌ ده‌داته‌وه‌

سه‌رۆكی‌ ئۆپۆزسیۆنی‌ سوریا به‌ توندی‌ وه‌ڵامی‌ هۆشیار زێباری‌ ده‌داته‌وه‌

 له‌سه‌ر به‌كارھێنانی ده‌سته‌واژه‌ی‌ “رێكخراوه‌ تیرۆریستییه‌كان” بۆ ئۆپۆزسیۆنی سوریا، سه‌رۆكی ئیئتیلافی نیشتمانیسوریا به‌توندی وه‌ڵامی وه‌زیری ده‌ره‌وه‌ی عیراقی دایه‌وه‌.

 ئه‌حمه‌د جه‌ربا سه‌رۆكی ئیئتیلافی نیشتمانی سوریا له‌ میانی كۆبوونه‌وه‌ی له‌گه‌ڵ وه‌زیرانی ده‌ره‌وه‌ی وڵاتانی عه‌ره‌ب له‌ قاهیره‌ بۆ تاوتۆكردنی قه‌یرانی سوریا، به‌توندی وه‌ڵامی ھۆشیار زێباری وه‌زیری ده‌ره‌وه‌ی عیراقی دایه‌وه‌ و گله‌یشی له‌ وه‌زیری ده‌ره‌وه‌ی لوبنان كرد.

 به‌گوێره‌ی زانیاریی چه‌ند سه‌رچاوه‌یه‌ك، له‌و كۆبوونه‌وه‌یه‌دا كه‌ به‌ڕووی ده‌زگاكانی راگه‌یاندن داخرابوو، جه‌ربا، وه‌ڵامی توندی ره‌خنه‌كانی ھۆشیار زێباری وه‌زیری ده‌ره‌وه‌ی عیراقی داوه‌ته‌وه‌ كاتێ  باسی “رێكخراوه‌ تیرۆریستییه‌كانی سوریا” ی كردووه‌.

 جه‌ربا له‌ وه‌ڵامی زێباریدا وتوویه‌تی: “ھه‌ندێك سیاسی عیراقی به‌ ھۆی تانك و زرێپۆشی ئه‌مریكاوه‌ ھاتوونه‌ته‌ سه‌ر حوكم، ھیچ باسی ده‌ستتێوه‌ردانی ده‌ره‌وه‌ له‌ عیراق ناكه‌ن، به‌ تایبه‌تی له‌باره‌ی شۆڕشی سوریا و داواكانی خه‌ڵكی ئه‌م وڵاته‌ سیاسه‌تێكی دووڕوویی به‌ڕێوه‌ده‌به‌ن.”

جه‌ربا رایگه‌یاندووه‌ “كه‌ ده‌رگای زیندانی ئه‌بوغرێب و زیندانه‌كانی دیكه‌یان كرده‌وه‌، له‌وێ سه‌ركرده‌كانی تیرۆریان ره‌وانه‌ی سوریا كرد. كه‌ شتێكه‌ ھه‌موو سیاسییه‌كان ئاگایان لێیه‌.”

 هاوكات له‌ كۆبوونه‌وه‌كه‌دا سه‌رۆكی ئیئتیلافی نیشتمانی سوریا وه‌ڵامی عه‌دنان مه‌نسور، وه‌زیری ده‌ره‌وه‌ی لوبنانی‌ داوه‌ كه‌ وتبووی: “ئۆپۆزسیۆن ناچاره‌ میلله‌ت له‌ باوه‌ش بگرێ” و وتوویه‌تی‌: “چه‌كدارانی حزبوڵای لوبنان له‌ سوریا ھاتنه‌ ناو خاكی ئێمه‌ و و رێزیان له‌ سه‌روه‌ریی ئه‌و وڵاته‌ نه‌گرت. ھیوادارم ده‌ستبه‌ردای سیاسه‌تی له‌ دوور بوه‌سته‌  ببن.”

سه‌رچاوه‌: AA

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.