دوو شه‌ممه‌ 20 تشرینی دووه‌م 2017
ماڵەوە / کوردستان / دوو حاڵه‌تی کوژرانی گوماناویی تر له مه‌ریوان روویدا/ نوێ کراوه‌ته‌وه

دوو حاڵه‌تی کوژرانی گوماناویی تر له مه‌ریوان روویدا/ نوێ کراوه‌ته‌وه

ئه‌مڕۆ سێشه‌مه له درێژه‌ی ره‌وشی نائاسایی ئاسایشی مه‌ریوان، دوو حاڵه‌تی گوماناوی کوژرانی تر له‌و شاره  روویداوه‌‌و به هۆیه‌وه لانیکه‌م هاوڵاتییه‌ک گیانی له‌ده‌ستداوه.

به گوێره‌ی ئه‌و زانیارییانه‌ی به زاگرۆس پۆست گه‌یشتووه ئه‌مڕۆ سێشه‌مه له درێژه‌ی کوژرانه نائاساییه‌کانی مه‌ریوان دوو حاڵه‌تی تر به ناوه‌کانی ‘سامان پوور ئیبراهیم و کاوه‌ که‌ریمییان’ له نه‌خۆشخانه‌ی بوعه‌لی‌ی مه‌ریوان تۆمار کراوه‌ که یه‌کێکیان پێش ئه‌وه‌ی گیان له‌ده‌ست بدات له لایه‌ن که‌سوکاریه‌وه له سه‌ر په‌تی سێداره هێنراوه‌ته خوارو ئێستا له نه‌خۆشخانه‌یه. سه‌رچاوه‌یه‌ک به زاگرۆس پۆستی راگه‌یاند ئه‌و که‌سه ئامۆزای ئومید که‌ریمیان نوێنه‌ری مه‌ریوانه له پارلمانی ئێران.

شایانی باسه له ماوه‌ی مانگی رابردوودا 10حاڵه‌تی مه‌رگی گوماناوی له مه‌ریوان‌و ده‌وروبه‌ری روویداوه‌و هاوڵاتییانی ئه‌و شاره هه‌ست به مه‌ترسیی گیانی ئه‌که‌ن‌و ده‌نگۆی ئه‌وه له ئارادایه ده‌ستێک بیه‌وێت ئاسایشی ئه‌و شاره تێکبدات. به پێی زانیارییه‌کان، به‌دواداچوونی هاوڵاتییانیش بۆ هۆکاری ئه‌و ژماره زۆره له هه‌ڵواسین له مه‌ریوان تا ئێسته بێ ئاکام بووه‌و لایه‌نه پێوه‌ندیداره‌کانی کۆماری ئیسلامی له مه‌ریوان به ئاسایی ئه‌زانن.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …