زاگرۆس پۆست
له دوایین هه‌ڵوێستی فه‌رمیی BDP به پێکدادانه سه‌ربازییه‌کانی ئه‌م دواییه‌کی باکووری کوردستا‌و به دیلگیرانی دوو سه‌رپاز له لایه‌ن خه‌ڵکی ناوچه‌ی لیجه‌ی ئامه‌ده‌وه، سه‌ڵاحه‌دین ده‌میرتاش به هێزه سه‌ربازییه‌کانی وتووه دروستکردنی ناوه‌نده سه‌ربازییه‌کان‌و به تایبه‌ت له لیجه رابگرن با دیله‌کان ئازاد بکرێن.ده‌میرتاش ناڕه‌زایه‌تی ده‌ربڕینی به مافی خه‌ڵک زانیوه‌و وتوویه‌تی: ئه‌وان له هه‌وڵدان بۆ ئه‌وه‌ى ئه‌و سه‌ربازانه‌ى له ئامه‌د ده‌ستبه‌سه‌رکراون ئازادبکرێن .
به گوێره‌ی زانیارییه‌کانی فرات‌نیوز ده‌میرتاش دواى مه‌راسیمى به‌شداربوونى په‌رله‌مانتارانى BDP بۆ ریزه‌کانى HDP له کۆبوونه‌وه‌یه‌کى رۆژنامه‌وانى وه‌ڵامى پرسیارى رۆژنامه‌نوسانى دایه‌وه‌‌و سه‌باره‌ت به‌و دوو سه‌ربازه‌ى تورک که دوو رۆژ پێشتر له لیجه ده‌ستبه‌سه‌رکراون وتى: ‘ئێمه وه‌ک BDP هه‌وڵدانى خۆمان ده‌ستپێکردووه، هیوادارم له ماوه‌یه‌کى نزیکدا ئازادبکرێن، به‌ڵام ده‌بێت فه‌رماندارى گشتى سوپاى تورک هۆکارى دروستکردنى سه‌بازگه‌کان ئاشکرابکات.’
