شه‌ممه‌ 18 تشرینی دووه‌م 2017
ماڵەوە / کوردستان / راوچیەكی دیكەی كورد لە مەهاباد كۆتایی بە راوكردن هێنا

راوچیەكی دیكەی كورد لە مەهاباد كۆتایی بە راوكردن هێنا

لە هەوڵێكی دیكەی وەلانانی راوچیگەریی لە شارەكانی رۆژهەڵاتی كوردستان، ئەمجارەیان پیاوێكی خەڵكی شاری مەهاباد پاش 40 ساڵ پیشەی راوچیگەریی، لەو كردەوەی خۆی پاشگەز بوەوەو دەستی لە راوكردن هەڵگرت.

محەمەد ئەحمەدزادە خەڵكی ناوچەی خەلیفان سەر بە شاری مەهاباد كە لە ماوەی 40 ساڵی رابردوو بەردەوام خەریكی راوی كەو‌و بە گشتی باڵندەكان بووە، گەڕایەوە باوەشی سرووشت‌و كۆتایی بە راوچیگەریی هێنا.

ئەم راوچیە 70 ساڵ تەمەنە هاوكات لەگەڵ وەلانانی پیشەی راوچیگەریی، 5 كەوی لە قەفەس ئازاد كردوو دواتر سەرجەم قەفەسەكانی ئاگرتێبەردا.

لە ماوەی رابردوو شەپۆلێكی بەربڵاوی گەڕانەوە بۆ جوانیەكانی سرووشت‌و وازهێنان لە راوچیگەریی بوەتە كلتوورێكی باوی نێو راوچیەكانی كوردستان‌و ئەمەش بە دیاردەیەكی ئەرێنی ناوی لێدەبرێت.

 

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …