یه‌ك شه‌ممه‌ 11 نیسان 2021
ماڵەوە / کوردستان / كرماشان: ئەگەری بێكاربوونی 500 كرێكار

كرماشان: ئەگەری بێكاربوونی 500 كرێكار

نەبوونی كەرەسە سەرەتاییەكان‌و قەرزەكان، پاڵاوگەی پێترۆشیمی بێستوونی كرماشان لە داخران نزیك بوەتەوە‌و ئەمەش مەترسی بێكاربوونی 500 كرێكاری بەدوای خۆیدا هێناوە.

لە ماوەی یەكمانگی رابردوو شیركەتی پێترۆشیمی بێستوون لە شاری كرماشانی رۆژهەڵاتی كوردستان بەرهەمهێنانی خۆی راگرتووە‌و ئەمەش هەڵدەگەڕێتەوە بۆ نەفرۆشتنی كەل‌و پەل‌و بەرهەمەكان لە بازاڕدا.

ئەمە لە حاڵێكدایە كاربەدەستانی كۆماری ئیسلامی هەڕەشەیان لە بەرپرسانی شیركەتی پێترۆشیمی كردووە كە بە هیچ شێوەیەك نابێ لەسەر ئەو قەیرانەی بۆ پاڵاوگەی پێترۆشیمی درووستبووە، روو بە دەرەوە لێدوان بدەن.

كارێكاران‌و كارمەندانی ئەو شیركەتە باس لە دۆخی قەیراناوی ئێستا لە پێترۆشیمی بێستوون دەكەن‌و دەڵێن، لە ئەگەری داخرانی یەكجاریی ئەم شیركەتە، بەشێوەی ناڕاستەوخۆ 2000 كەس لە پارێزگای كرماشان بەرەوڕووی بێكاریی دەبنەوە.

لە ماوەی ساڵانی رابردوو بەشێك لە ناوەندەكانی بەرهەمهێنانی پارێزگای كرماشان تووشی داخران هاتوون‌و تا ئێستاش بەرپرسانی پەیوەندیدار نەیانتوانیوە چارەسەری ئەم قەیرانە بكەن.

 

بابەتی هاوپۆل

انتقال دو شهروند بازداشتی به زندان مریوان

جمال گرامی و سیوان پرتو دو شهروند بازداشتی اهل شهر مریوان، با پایان مراحل بازجویی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.