هه‌ینی 19 كانونی دووه‌م 2018
ماڵەوە / کوردستان / ژینگەپارێزانی مەهاباد دەربەندەكەیان خاوێن دەكەنەوە

ژینگەپارێزانی مەهاباد دەربەندەكەیان خاوێن دەكەنەوە

لە چالاكیەكی دیكەی ژینگەپارێزانی كوردستان، ئەمجارەیان لە شاری مەهاباد 300 چالاكی ژینگەیی پێكهاتوو لە توێژە جۆراوجۆرەكان دەستیاندایە خاوێنكردنەوەی دەربەندی مەهاباد.

لەم چالاكیەدا كە رۆژی هەینی 5ی گوڵان بەڕێوەچوو، كۆمەڵێكی بەرچاو لە خوێندەواران‌و خوێندكاران‌و مامۆستای زانكۆ‌و هەندێك لە بنەماڵەكانی شاری مەهاباد لە خاوێنكردنەوەی كەنارەكانی دەریاچەی مەهاباد بەشدارییان كرد.

بە وتەی یەكێك لە چالاكانی ژینگەپارێز بڕیی 5 كیلۆمەتر لە كەنارەكانی دەریاچەی مەهاباد بەرەو سەردەشت خاوێن كراوەتەوە.

لەم چالاكیە ژینگەییەدا زیاتر لە 5 تۆن زبڵ‌و خاشاك لە لایەن ژینگەپارێزانەوە كۆكرایەوە.

لە ئێستادا بە شێوەیەكی هەمەلایەنە، گەڕانەوە بۆ سرووشت‌و رێزگرتن لە جوانیەكانی سیماكانی دەرەوەی شارو دروستبوونی رەوتی وەلانانی راوكردن لە كوردستان بوەتە كلتوورێكی باو كە رۆژ لەگەڵ رۆژ لە پەرەسەندندایە.

بابەتی هاوپۆل

یەكێك لەگیراوەكانی خۆپیشاندانەكان لە ژێر ئەشكەنجەدا گیانی لەدەستدا

لاوێكی 23ساڵەی تارانی كە لەخۆپیشاندانەكانی چەند رۆژی رابردوو دەستگیركرابوو لە زیندانی ئێڤین لە ژێر ئەشكەنجە …