یه‌ك شه‌ممه‌ 19 تشرینی دووه‌م 2017
ماڵەوە / کوردستان / لاوێكی كورد لە بنكەیەكی سپای پاسداران كۆتایی بە ژیانی هێنا

لاوێكی كورد لە بنكەیەكی سپای پاسداران كۆتایی بە ژیانی هێنا

لاوێكی كوردی یارسان بە ناوی حیكمەت سەفەری خەڵكی ئاواییەكی سەر بە كرماشان كە لە بنكەیەكی سپای پاسداران خەریكی تێپەڕاندنی دەورانی سەربازی بوو كۆتایی بە ژیانی خۆی هێنا.

بە پێی ئەم هەواڵە، حیكمەت سەفەری لە لایەن فەرماندەی بنكەكەوە چەندین جار سووكایەتی پێكراوە‌و هاوكات ئەو لاوە كوردەش بەردەوام دژی ئەو سووكایەتیەی فەرماندەی بنكەكە راوەستاوە‌و وەڵامی داوەتەوە.

ئەمە لە حاڵێكدایە كە سەرەتای مانگی گەلاوێژی ساڵی رابردوو لاوێكی دیكە بە ناوی ئۆمید محەممەدی لە ئەنجامی هاتنەپێشی كێشەی مەزهەبی لەگەڵ فەرماندەكانی بنكەیەكی سپای پاسداران لە ساڵحاوای سەر بە شاری بانە لە لایەن بەرپرسانی ئەو پادگانەوە كوژرا.

هاوكات لە مانگی خەزەڵوەری ساڵی رابردوو لە درێژەی سووكایەتیكردن بە یارسانەكان لە بنكەیەكی سپای پاسداران دەست‌و پای كەسێكی دیكە بە ناوی سابیر مافی، خەڵكی شاری قەزوێنیان بەستوو سمێڵیان تاشیوە‌و بەمشێوە سووكایەتیان بە ئایینی یارسانەكان كردووە.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …