شه‌ممه‌ 20 تشرینی یه‌كه‌م 2018
ماڵەوە / کوردستان / راگەیاندنی چالاكی گروپێك بە ناوی ئەرتشی ئازادی رۆژهەڵاتی كوردستان

راگەیاندنی چالاكی گروپێك بە ناوی ئەرتشی ئازادی رۆژهەڵاتی كوردستان

گروپێك بە ناوی ئەرتشی ئازادی رۆژهەڵاتی كوردستان بە بڵاوكردنەوەی راگەیاندنێك بوونی خۆی راگەیاند‌و‌و ئاماژەیان بەوەدا، لە سەرەتای مانگی هاوینی ئەمساڵ خەباتی چەكداریی خۆیان دەسپێدەكەن.

بە پێی هەواڵێكە لە سایتی هەڵۆی كوردستان بڵاو بوەتەوە، تا ئێستا بەرپرسان‌و بەڕێوەبەرانی ئەم گروپە نەناسراون‌و تەنانەت هیچ ئاگاداریەك لە شوێنی مانەوەی ئەو هێزەی بڕیارە خۆی رابگەیەنێت‌و خەباتێكی پڕاوپڕی چەكداریی بكات لەبەردەستدا نیە.

ئەم گروپە هاوكات ئاڵایەكی جیاوازیان بۆ رۆژهەڵاتی كوردستان وێناكردووە‌و رەخنەیان لە حیزبی دیموكرات گرتوو وتی، ئەوان نەیانتوانی ئاڵاكەی دەستی قازی محەمەد بپارێزن‌و هاوكات هەرێمی باشوری كوردستانیش نەیپاراست. بۆیە ئەم گروپە ئاڵایەكی جیاوازی بۆ رۆژهەڵاتی كوردستان وێناكردووە‌و دەڵێن خەباتی رۆژهەڵاتی دەبێ بە تەواوی سەربەخۆ بێت‌و لە ژێر هەژمۆنی پارچەكانی دیكەی كوردستان بێتەدەرەوە.

 

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.