سێ شه‌ممه‌ 12 تشرینی دووه‌م 2019
ماڵەوە / کوردستان / هەڕەشەی ئێعدام لە بەندكراوێكی سیاسی كورد دەكرێت

هەڕەشەی ئێعدام لە بەندكراوێكی سیاسی كورد دەكرێت

لێپرسەرانی وەزارەتی ئیتلاعات هەڕەشەیان لە بەندكراوێكی سیاسی كورد كردووە كە بەمزووانە ئێعدام دەكرێت.

لێپرسەرانی وەزارەتی ئیتلاعات لە زیندانی ورمێ شەوی دووشەممەی رابردوو پاش بانگهێشتی حەبیب ئەفشاری بەندكراوی سیاسی كوردی مەحكووم بە ئێعدام، هەڕەشەی ئەوەیان لێكردووە كە ئەگەری جێبەجێكردنی حوكمی ئێعدامەكەی لە ئارادایە.

ئەمە لە حاڵێكدایە كە عەلی ئەفشاری برا گەورەی ناوبراو كە بە ئێعدام مەحكوومكراوە، دەستی راستی بە تەواوی لەكار كەوتووە‌و تا ئێستاش بەرپرسانی زیندانی ورمێ هیچ چارەسەرێكیان بۆ ئەم بەندكراوە سیاسیە نەكردووە.

حەبیب ئەفشاری هاوڕێ لەگەڵ براكەی عەلی ئەفشاری خەڵكی ئاوایی گوگجلو سەر بە شاری مەهاباد 3 ساڵ لەوەپێش لە لایەن دادگای ئینقلابی شاری مەهاباد حوكمی موحاربەیان بە تاوانی چالاكی سیاسی‌و ئەندامبوون لە یەكێك لە حیزبە كوردیەكان حوكمی ئێعدامیان بەسەردا سەپا.

خۆشكی حەبیب ئەفشاری لە وتووێژێك لەگەڵ كەمپەینی بەرگری لە زیندانیانی سیاسی‌و مەدەنی ئاماژەی بەوەكردووە، مەترسی جێبەجێكردنی حوكمی ئێعدامی براكەی لە ئارادایە‌و هاوكات چەندین جار لە لایەن بەرپرسانی زیندانەوە هەڕەشەی ئێعدام لە‌و دوو برا چالاكە سیاسیە كراوە.

 

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.