زاگرۆس پۆست
منداڵێكی 10 ساڵ تەمەن لە شاری ئامەد بە هۆی فڕێدانی بۆمبی فرمێسك رێژ لە لایەن هێزەكانی پۆلیسی توركیەوە بە سەختی بریندار بوو.
باوكی ئەو منداڵە كە ناوی محەمەد عارزە رایگەیاندووە، منداڵەكەی لە نزیك شوێنكدا راوەستابوو كە پارتی ئاشتی‌و دیموكراسی ( بەدە پە ) لە حاڵی بەڕێوەبردنی خۆپیشاندانێك بووە‌و بەم بۆنەوە پاش ئەوەی هێزەكانی پۆلیسی توركیە هێرش دەكەنە سەریان، منداڵەكەی گازی فرمێسك رێژی بەركەوتووە.
ئەمە لە حاڵێكدایە كە لە ماوەی دوو مانگی رابردوو منداڵێكی دیكەی كورد بە هۆی وەبەركەوتنی گازی فرمێسك رێژەوە بۆ ماوەی 9 مانگ تووشی بێهوشبوون بووە‌و دواتر هەر بەو هۆیەوە گیانی لەدەستداوە.
ئەم خۆپیشاندانە لە كاتی بەڕێوەچوونی هەڵمەتی هەڵبژاردنەكانی پارتی ئاشتی‌و دیموكراسی بۆ هەڵبژاردنەكانی شارەوانی توركیە رێكخراوە‌و لە چەندین شوێن رووبەڕوو بوونەوە لەگەڵ پۆلیسی توركیە روویداوە.
بڕیارە هەڵبژاردنەكانی شارەوانی توركیە رێكەوتی 30ی ئەم مانگە بەڕێوە بچێت.
