سێ شه‌ممه‌ 4 تشرینی یه‌كه‌م 2022

كرێكارانی كوردستان بەرەو كۆڵبەری هاندەدرێن

هەموو ساڵێك سەدان كەس لە كرێكارانی كۆڵبەر لە ناوچەسنووریەكانی كوردستان گیانیان لەدەست دەدەن‌و ئەمەش لە حاڵێكدایە كە ئەگەر مەجالی كاریان بۆ بڕەخسێت‌و داهاتێكیان بۆ دابینكردنی بژیویان بێت هێزی كاری خۆیان بۆ بەرهەمهێنان دابین دەكەن.

چالاكێكی كرێكاریی لە شاری سەقز باسی لەوە كردووە، 1500 كرێكاری كورد لە ناوچە سنووریەكانی سەردەشت، بانە‌و سەقز‌و مەریوان بە كاری مەترسیداری كۆڵبەریەوە سەرقاڵن.

محەمەد ساڵح حسەینی چالاكی كرێكاریی رایگەیاندووە، دەوڵەت هیچ یارمەتیەك بە سەرمایەگوزاری لە شارەكانی كوردستان نادەن‌و نەبوونی كارخانە‌و پیشە هۆكارێكە بۆ رۆیشتنی كرێكاران بەرەو كۆڵبەریی لە سەر سنوورەكان.

بە وتەی ناوبراو هەموو ساڵێك چەندین كرێكاری كۆڵبەر لە سنوورەكانی كوردستان گیانیان لەدەستدەدەن‌و هاوكات خاوەنكاران بە چاوی ئەبزارو كەرەسە چاو لە كرێكاران دەكەن. ئەم چالاكیە كرێكاریە باس لەوەدەكات ناوەندە بەرهەمهێنەرەكانی شاری سەقز لە شارۆچكەی پیشەیی قارەوا لەوانە، كارخانەی قەن، لوولەسازی‌و … بەردەوام تووشی قەیران دەبن‌و زۆربەی كرێكارانی ئەو ناوەندانەش بەرەو كۆڵبەری هاندراون.

 

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.