زاگرۆس پۆست
راپۆرتەكانی ئەم دواییانەی رێكخراوی تەندروستی جیهانی باس لەوە دەكەن، لە ساڵی 2012 لانیكەم 7 ملیۆن كەس لە سەرتاسەری جیهان بە هۆی پیسبوونی باری كەش‌و هەوا گیانیان لەدەستداوە.
بە پێی ئەم راپۆرتە كە رۆژی سێشەممە 5ی خاكەلێوە بڵاوكرایەوە، پیسبوونی كەش‌و هەوا لە جیهان سەرەكیترین هۆكاری ژینگەییە كە تەندروستی مرۆڤەكان دەخاتە مەترسیەوە.
راپۆرتەكەی رێكخراوی تەندروستی جیهانی باس لەوەدەكات، لە هەر 8 جۆر مردن لە جیهان یەك كەسیان بە هۆی پیسبوونی كەش‌و هەوا گیانی لەدەستدەدا‌و بەمشێوە كەمبوونەوەی پیسبوونی هەوا دەتوانێ گیانی ملیۆنان كەس لە مەرگ رزگار بكات.
ئەمە لە حاڵێكدایە كە هاوینی رابردوو بەڕێوەبەری گشتی ستادی ناوەندی توێژینەوەی ماشینەكانی تاران رایگەیاند، ئێران لە بواری پیسبوونی كەش‌و هەوا سێهەمین وڵات لە ئاستی جیهانە.
