رۆڵی قاسم سلێمانی لە شەڕەكانی سوریە

كاربەدەستێكی ئەرتشی ئیسرائیل رایگەیاند، قاسم سلێمانی فەرماندەی هێزی سپای قودسی كۆماری ئیسلامی رۆڵێكی گرینگ لە شەڕی سوریە دەگێڕێت‌و كۆنتڕۆڵی هێرشەكانی بەدەستەوەیە.

ئەمە لە حاڵێكدایە كە رژیمی سوریە لە لایەن حیزبوڵڵای لوبنان‌و یارمەتی چەك‌وچۆڵ لە لایەن ئێرانەوە پشتگیری دەكرێت‌و هاوكات روسیەش یەكێك لە هاوكاران‌و یارمەتیدەرانیەتی.

بە پێی راپۆرتێكی رۆژنامەی تایمز لە زاری كاربەدەستانی نیزامی ئیسرائیل، قاسم سلێمانی فەرماندەیی گشتی شەڕەكانی سوریە دژی نەیارانی بەدەستەوەیە‌و بەمشێوە ناوبراو نوێنەری سەرەكی رژیمی ئێرانە لە شەڕی سوریە.