زاگرۆس پۆست
تەقینەوەی گاز لە گوندی گەردیگلانی ناوچەی سەقز ٧ ئەندامی بنەماڵەیەکی کردە قوربانی . بە پێی سەرچاوەکانی هەواڵ رۆژی هەینی رێکەوتی ١ی خاکەلێوە، ماڵێک لە گوندی گەردیگلانی ناوچەی گەورکی سەقز بە هۆی تەقینەوەی گاز تووشی رووداو بوو کە لەو رووداوەدا لاوێکی تەمەن ٢٥ ساڵ بەناوی مستەفا ئینگیجە گیانی لەدەست داو ٦ ئەندامی دیکەی ئەو بنەماڵەیە بە توندی بریندار بوون و ٤ کەسیشیان بەهۆی قوڵی برینەکانیانەوە رەوانەی نەخۆشخانەی شاری ورمێ کراون.
بەپێی زانیارییەکان هۆكاری ئەوە تەقینەوەیە ستاندارد نەبوونی ئامێرە گازییەكان دیاریكردوە. ساڵانە لەئێران بەهۆی ناستانداردبوونی ئامێر‌و كەرەسەكان، تەقینەوە بەهۆی گاز دەیان قوربانی دەگرێت.
