زاگرۆس پۆست
ئەحمەد رەبێعی ئەو کاریکاتۆریستە عەرەبەیە كە ماوەیەك لەوەپێش كاریكاتۆرێكی لە خامنەیی كێشاو ناڕەزایەتیی شیعەكانی بەغدای لێكەوتەوە بە شێوەیەكی گوماناویی گیانی لەدەستدا.
ئەمڕۆ چوارشەممە ئەحمەد رەبێعی كاریكاتۆریستی عەرەب بە شێوەیەكی گوماناویی لە شاری هەولێر پێتەختی هەرێمی كوردستان گیانی لەدەستداو بە وتەی نزیكان ئەم كاریكاتۆریستە، ناوبراو بە هۆكارێكی نادیار‌و گوماناویی گیانی لەدەستداوە.
ئەحمەد رەبێعی لە رۆژنامەی سەباح ئەلجەدید چالاكی دەكرد‌و‌و ئەم رۆژنامە لە بەغدا دەردەچوو.
بە وتەی نزیكانی ناوبراو ئەحمەد رەبێعی هیچ نەخۆشیەكی نەبووە‌و پێدەچێت ئەم كاریكاتۆریستە لە ئەنجامی پیلانێكدا كوژرابێت.
