زاگرۆس پۆست
لە هەنگاوێكی بێوێنەی دیكەدا كۆمەڵێكی بەرچاو لە راوچیەكانی شاری كامیاران لە بانگەوازێكدا مزگێنیان بۆ سرووشت‌و گوڵە جوانەكان‌و كەوو پەلەوەرەكان هێنا‌و بڕیاریاندا كە چیدی راو نەكەن‌و لەمەودوا پارێزەری پەلەوەرو سرووشت بن.
ئەو راوچیانەی شاری كامیاران لە رۆژهەڵاتی كوردستان باسیان لەوەكردووە‌و كە لە كردەوەو راوكردنی چەندین ساڵەیان پەشیمانن‌و لەمەودوا دەبنە پارێزەری سرووشت‌و جوانیەكانی دیمەنی كوردستان.
ئەمە لە حاڵێكدایە كە لە ماوەی رابردووشدا راوچیەكی دیكەی خەڵكی شاری كامیاران لە میانەی رێورەسمێكدا كە لە لایەن ئەنجومەنی سەوزی چیای مەریوان بەڕێوەچوو، چەكەكەی شكاندوو بۆ هەمیشە وازی لە راوچیگەری هێنا.
