سێ شه‌ممه‌ 12 تشرینی دووه‌م 2019
ماڵەوە / کوردستان / ‘سه‌حراڕوودی’ له سلێمانییه

‘سه‌حراڕوودی’ له سلێمانییه

دوای په‌ره‌سه‌ندنی ناکۆکییه‌کانی ناو یه‌کێتیی نێشتمانی‌و دواکه‌وتنی پێکهێنانی کابینه‌ی نوێی حکومه‌تی هه‌رێمی کوردستان، هه‌واڵه‌کان باس له به‌ڕینتربوونی ده‌ستێوه‌ردانی کۆماری ئیسلامی ده‌که‌ن بۆ کاروباری ناوخۆیی باشوورو به تایبه‌ت یه‌کێتیی نیشتمانی.به پێی هه‌واڵێک که له سپی میدیا بڵاو بووه‌ته‌وه، محه‌مه‌دجه‌عفه‌ر سه‌حراڕوودی که به وته‌ی ئه‌و سه‌رچاوه‌یه بکوژی دوکتور قاسملو، سکرتێری پێشووی حزبی دێمۆکراته له لایه‌ن ئێرانه‌وه نێردراوه بۆ سلێمانی تا له دانیشتنی سێ قۆڵیی نێوان هێرۆ ئیبرایم ئه‌حمه‌د، دوکتور به‌رهه‌م ساڵه‌ح‌و ۆسره‌ت ره‌سوڵ عه‌لی به‌شداری بکات.

ئه‌و سه‌رچاوه‌یه هه‌روه‌ها ئاماژه‌ی به‌وه کردووه که مه‌به‌ست له به‌شداریی سه‌حراڕوودی له کۆبوونه‌وه‌ی مه‌کته‌ب سیاسیی یه‌کێتی، هه‌وڵی چاره‌سه‌رکردنی کێشه ناوخۆییه‌کانی ئه‌و حزبه‌یه.

ئه‌وه له حاڵێکدایه که سه‌حراڕوودی هیچ به‌رپرسایه‌تی‌و کارێکی گرنگی سیاسی‌و دیپلۆماتیکی نه‌بووه‌و دوای ئه‌وه‌ی له هێرش بۆ سه‌ر د.قاسملوو هاوڕێیانی به برینداری ده‌گیرێت‌و دواتر ره‌وانه‌ی ئێران ده‌کرێته‌وه، پله‌ی له سپای پاسداراندا به‌رز ده‌کرێته‌وه.

عەبدولڕەحمان قاسملو وێڕای عه‌بدوڵا قادری ئازه‌ر، لەساڵی 1989 لە ڤیەن، که‌وتنه به‌ر هێرشی هێزه‌کانی کۆماری ئیسلامی‌و تێرۆر کران.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.