زاگرۆس پۆست
خوێندكارانی شاری ورمێ داوای ئەوەیان كردووە كە عابد فەتاحی نوێنەری ئەو شارە دەست لە پۆستەكەی بكێشێتەوە.
خوێندكاران ئاماژەیان بەوەداوە كە عابد فەتاحی تا ئێستا نەیتوانیوە وەڵامی خواستەكانی ئەو ناوچە بداتەوە‌و باشتر وایە بگەڕێتەوە سەر پیشەكەی خۆی.
خوێندكاران لە بابەت كوژرانی شەیدا حاتەمی ئەو كچە خوێندكارەی زانكۆی ورمێ وتوویانە كە ناوبراو كوژراوە‌و لە بەرانبەریشدا بەرپرسانی زانكۆی ورمێ وتوویانە ناوبراو خۆی كۆتایی بە ژیانی هێناوە، بەڵام خوێندكاران لە خۆپیشاندانەكەی چەند رۆژی رابردوو رایانگەیاند، ئەو هەڵوێستەی بەرپرسان دوور لە راستیە‌و شەیدا حاتەمی كوژراوە.
خوێندكاران لە نامەكەیاندا بۆ عابد فەتاحی نووسیویانە، باشتر وایە ناوبراو بچێتەوە سەر پیشەكەی پێشووی خۆی كە دكتۆری چاو بووە.
