پێنج شه‌ممه‌ 21 تشرینی دووه‌م 2019
ماڵەوە / ئێران / رۆژی ژن لە ئێران‌و دەسبەسەرییەكانی شاری سنە

رۆژی ژن لە ئێران‌و دەسبەسەرییەكانی شاری سنە

لە بەرنامەیەكی تایبەت كە لە شاری تاران لە لایەن كۆمەڵێك لە چالاكانی مافەكانی ژنان بەڕێوەچوو، رێز لە 8ی مارس رۆژی جیهانی ژن گیراو هاوكات گرفتەكانی بەردەم ژنان لە ئێران درایە بەر باس‌و لێكۆڵینەوە.

گەڵاڵەی زۆركردنی گەشەی بنەماڵەكان‌و درێژەی بەرتەسككردنەوەی چالاكانی مافەكانی ژنان لە باسە گرینگەكانی ئەو كۆبوونەوە بوون. هەروەها زیاتر لە 300 كەس لە هەڵسووڕاوانی ژنان بە دەركردنی راگەیاندنێك سەبارەت بە بندەست بوونی ژنان لە ئێران هوشدارییان دا.

ئەو چالاكانە ئاماژەیان بەوەداوە سیاسەتی زۆركردنی حەشیمەت‌و خسووسی كردنەوەی سیستەمی تەندروستی‌و دەرمان بە زیانی ژنانە.
هاوكات راپۆرتەكانی باس لەوە دەكەن كۆمەڵێك لە لاوان لە شاری سنە دەسبەسەركراون بەڵام كاربەدەستانی كۆماری ئیسلامیی ئەو دەسبەسەركردنانەیان پشتڕاست نەكردوتەوە.

بەڵام بە پێی وتەی شایەتحاڵەكان 3 چالاكی بواری مافەكانی ژنان پێش بەڕێوەبردنی رێورەسمی رۆژی جیهانی ژن لە سنە دەسبەسەركراون.

هەموو ساڵێك ژنانی چالاك لە ئێران هەوڵدەدەن كە رێورەسمی رۆژی جیهانیی ژن بە شكۆداریی بەڕێوەببەن، بەڵام هێزەكانی كۆماری ئیسلامیی بە توندترین شێوە دژی بەڕێوەچوونی ئەو رێورەسمە دەوەستنەوە‌و رێگە بە بەڕێوەبردنی ئەو رێورەسمە نادەن.

 

بابەتی هاوپۆل

کوردێکی دیکە لە تاران گیانی بەخت کرد

ھاوڵاتیەکی دیکەی کورد لە تاران گیانی بەخت کرد. پاش گیانبەختکردنی مینا شێخی ژنە کوردی ٥٩ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.