سێ شه‌ممه‌ 4 تشرینی یه‌كه‌م 2022

دەقی دزەكردووی تەلەفوونی بەرپرسە ئوروپاییەكان لەسەر تەك تیرئەندازە ئۆكراینیەكان

بڵاوبوونەوەی گوێدانی تەلەفوونی نێوان وەزیری دەرەوەی ئێستۆنی‌و بەرپرسی سیاسەتی دەرەوەی یەكیەتی ئوروپا گومانی ئەوەی هێنایە ئاراوە سەبارەت بەو تەك تیرئەندازانەی كە لە جەریانی نائارامیەكانی ئۆكراین گیانی چەندین كەسیان كردوتە قوربانیی.

لەم گوێدانە تەلەفوونیەدا ئەوە بڵاوكراوەتەوە كە بە پێچەوانەی ئیددعای نەیاران، تەك تیرئەندازەكان سەر بە ناڕازیان بوون كە بەم پیلانە ویستوویانە دەوڵەتی ئۆكراین بەدناو بكەن.

ئۆرماس پائێت وەزیری كاروباری دەرەوەی ئێستۆنی لە وتووێژێكی تەلەفوونی بە بەرپرسی سیاسەتی دەرەوەی یەكیەتی ئوروپای وتووە، دەوڵەتی نوێی ئۆكراین خوازیاری لێكۆڵینەوە لە بابەت مەسەلەی ئەو تەك تیرئەندازانەی گیانی چەندین كەسیان كردوتە قوربانیی نیە.

لە جەریانی ناڕەزایەتیەكان لە ئۆكراین كە زیاتر لە دوو مانگە درێژەی كێشاوە‌و بووە هۆی رووخانی دەوڵەت، لانیكەم 88 كەس گیانیان لەدەستداوە. دەوڵەتی پێشوو‌و نەیاران هەركامەیان لایەنی بەرانبەر بە تاوانبار دەزانن‌و دەوڵەتی نوێی ئۆكراینیش وتوویەتی، لێكۆڵینەوەكان لەوبارەوە درێژەی دەبێت.
 

 

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.