سیمین چایچی بانگهێشتی ناوه‌ندێکی ئه‌منیه‌تی کرا

له سه‌روبه‌ندی 8ی مارس رۆژی جیهانیی ژناندا، سیمین چایچی ئه‌دیب‌و چالاکی ناسراوی ژنان له شاری سنه له لایه‌ن حفازه‌تی ئیتلاعاتی پۆلیس له‌و شاره بانگهێست کرا.به گوێره‌ی هه‌واڵی گه‌یشتوو به زاگرۆس پۆست، سیمین چایچی ئه‌دیبی ناسراوو چالاکی بواری ژنان له شاری سنه له سه‌روبه‌ندی 8ی مارسدا له‌لایه‌ن حفازه‌تی ئیتلاعاتی نیروی ئینتزامی له شاری سنه بانگهێشت کراوه‌و هۆشیار کراوه‌ته‌وه له چالاکیی به بۆنه‌ی 8ی مارسه‌وه‌.

هه‌ر به پێی ئه‌و هه‌واڵه له چه‌ند شاری تری کوردستانیش چالاکانی بواری مافه‌کانی ژن بانگهێشت کراون‌و داوایان لێکراوه به‌شداریی له کۆڕو کۆبوونه‌وه‌‌کانی رۆژی جیهانیی ژناندا نه‌که‌ن.