چارەنووسی تاكە سینەمای شاری شنۆ

شوێنی تاكەی سینەمای شاری شنۆ كە سەردەمانێك خەڵكی ئەو شارە بۆ چاولێكردنی فیلم سەردانیان دەكردوو كاتێكی خۆشیان بەسەر دەبرد ئێستاكە بوەتە شوێنێك بۆ فرۆشتنی جل‌و بەرگ.

بە وتەی هەندێك لە هاوڵاتیان شاری شنۆ، مەسەلەی لەناوچوونی سینەما لەو شارە‌و بگرە لە هەموو شارەكانی رۆژهەڵاتی كوردستان پرۆژەیەكی حكوومەتی بێت بۆ پێشگرتن بە كۆبوونەوەی جەماوەری لە لایەن خەڵكەوە. چونكە بە تایبەت لە ماوەی ساڵانی رابردوو لە زۆرێك لە شارەكانی رۆژهەڵاتی كوردستان شوێنی سینەماكان پاش تێكدان، رادەستی كەرتی تایبەت كراوە‌و بوەتە شوێنێك بۆ پرۆژەی ئابووری‌و بازاڕ.

هاوڵاتیانی شاری شنۆ بە نیگەرانیەكی زۆرەوە باس لەوە دەكەن كە تاكە سینەمای شارەكەیان لە ناوچووە‌و ئێستاكە بوەتە شوێنێك بۆ فرۆشتنی جل‌و بەرگ.