چوار بەندكراوی كورد چارەنوسیان نادیارە

چوار بەندكراوی كورد كە ماوەی سێ مانگە لەزیندانی دیزڵ ئابادی كرماشان زیندانی كراون لە تەلەفون‌و دیداری بنەماڵەكانیان بێ بەشكراون‌و چارەنوسیان نادیارە.
بەپێی راپۆرتی هەڵسوڕاوانی مافی مرۆڤ لەئێران، هەریەك لە ئیسماعیل عەبدی، بیلال ئەحمەدی، مەسعەب خزری‌و بەهمەن سەلیمی خەڵكی جوانرۆ بەهۆی شەڕ‌و دەمەقاڵێیان لەگەڵ بەرپرسێكی قەزایی رژیمی ئێران دەستگیر‌و لەلایەن دادگای گشتی جوانرۆ رەوانەی ئیدارەی ئیتلاعاتی كرماشان دەكرێن.
بەپێی ئەو هەواڵە ئەم چوار كەسە ئێستا لە بەندی 10 زیندانی دیزڵ ئاباد بەندكراون‌و ماوەی سێ مانگە لە تەلەفون‌و دیداری بنەماڵەكانیان بێ بەشكراون.
بەندی 10ی زیندانی دیزڵ ئاباد كە بە بەندی ئەسپی‌و ئیدز بەناوبانگە، لەباری تەندروستی خراپترین بەندی ئەو زیندانەیە.