چوونەسەرەوەی 17 لە سەدی كرێی تاكسی لە شاری سەقز

بەرپرسی تاكسیڕانی شارەوانی سەقز نرخێكی نوێی بۆ كرێی تاكسی كە بە رازیبوونی شورای شار ئەنجامدراوە راگەیاند‌و‌و بەو پێیە لە سەرەتای ئەمڕۆ سێشەممە 6ی رەشەمە كرێی تاكسی 17 لە سەد بەرز دەبێتەوە.

بە پێی وتەی شارۆمەندانی كورد، ناتەباییەكی زۆر لە نێو چوونەسەرەوەی نرخەكان هەیە بە جۆرێكە گەلێك جار نرخی هەندێك كەل‌و پەل‌و پێداویستی دەچێتەسەرەوە لە كاتێكدا چوونەسەرەوەی ئەو نرخانە هاوتەریب لەگەڵ داهات‌و دەرامەتی خەڵكدا نیە‌و ئەمەش دەبێتە هۆی گوشاری ئابووری بۆسەر هاوڵاتیان.

هاوكات چەند رۆژ لەوەپێش شۆفێر تاكسیەكان لە شاری شنۆ كۆبوونەوەیەكی ناڕەزایەتیان وەڕێخست‌و داواكاری ئەوە بوون كرێی تاكسیەكان بەرز بێتەوە‌و ئاماژەیان بەوەداوە نرخی گاز بە شێوەیەكی بەربڵاو بەرز بوەتەوە.