ئەگەری چوونەسەرەوەی ماوەی سەربازیی لە ئێران

جێگری ستادی گشتی هێزەچەكدارەكانی كۆماری ئیسلامی ئێران رایگەیاند، ئەگەری زۆر هەیە بۆ ئەوەی ماوەی سەربازیی لە ئێران زۆرتر بێت.

بە وتەی موسا كەماڵی بڕیاری كۆتایی لە بابەت زۆربوونی ماوەی سەربازیی لە نیوەی دووهەمی مانگی رەشەمەی ئەمساڵ دەدرێت.

سەردار كەماڵی ئاماژەی بەوەدا، لە ئاستی راگەیاندن‌و كۆمەڵگا كۆمەڵێك قسەوباس هەیە كە دەڵێ ماوەی سەربازیی لە 24 مانگ زیاتر نابێت، بەڵام من بە دڵنیاییەوە دەڵێم كە ئەو ماوە زۆرتر دەبێت.

لە ئێراندا بە هۆی ئەوەی رۆیشتن بۆ سەربازیی بە شێوەی زۆرەملیە، بوەتە گرفتێكی گەورە بۆ توێژی لاوان لەو وڵاتە‌و تەنانەت ئەگەر بێتوو كەسێك پێناسی كۆتایی ماوەی سەربازیی پێ نەبێت لە ژیانی رۆژانەیدا دەیان گرفت‌و كێشەی بۆ دێتە پێشەوە.