دوو شه‌ممه‌ 17 كانونی یه‌كه‌م 2018
ماڵەوە / کوردستان / عومەر ئیلخانیزادە: بۆ یەكگرتنەوەی كۆمەڵە ئەگەری زۆر بۆ ئەوە دادەنێم سەردەكەوین

عومەر ئیلخانیزادە: بۆ یەكگرتنەوەی كۆمەڵە ئەگەری زۆر بۆ ئەوە دادەنێم سەردەكەوین

بە پێی هەواڵێكە لە سایتی رەسمی كۆمەڵەی زەحمەتكێشانی كوردستان بڵاو بوەتەوە، عومەر ئیلخانیزادە سكرتێری ئەو حیزبە لە بابەت پرسی یەكگرتنەوەی دوو لایەن كۆمەڵە ئاماژەی بەوەكردووە، ئەگەری زۆر بۆ ئەوە دادەنێم كە لەو پرۆسەدا یەكدەگرینەوە.

ماوەیەكە باسی یەكگرتنەوەی دوو لایەنی كۆمەڵەی زەحمەتكێشانی كوردستان‌و كۆمەڵەی شۆڕشگێڕی زەحمەتكێشانی كوردستانی ئێران لە راگەیاندنەكان‌و تۆڕە كۆمەڵایەتیەكاندا دەبینرێت‌و وردە وردە باسەكانیان بە شێوەی رەسمی بڵاو دەبێتەوە.

عومەر ئیلخانیزادە لە میانەی وتووێژەكەی باسی ئەوەیكردووە، كاتێك ئێمە دوو لایەن گەیشتووینەتە ئەو شوێنەی كە پێكەوە راگەیاندنی هاوبەش لە بابەت دەسپێكی پرۆسەی یەكگرتنەوەمان بدەین، جێگەی دڵخۆشیە‌و دەكرێ بڵێین لەمپەرە گرینگەكانی سەر رێگەمان وەلاناوە.
هاوكات باسی لەوە كردووە، ئێمە ساڵانێكی زۆرە لە هەوڵی ئەوەداین كە لەگەڵ لایەنی كۆمەڵەی شۆڕشگێڕی زەحمەتكێشانی كوردستانی ئێران یەكبگرینەوە‌و لەمبارەشەوە بڕیارنامەمان هەیە.

ناوبراو لە كۆتایی وتووێژەكەیدا چاوەڕوانی ئەوەی هەیە كە كۆمەڵەیەكی گەورەی یەكگرتوو پێویستە لە داهاتوودا كاری گەورە بكات‌و وڵامی پێویستیەكانی بزوتنەوەی خەڵكی كوردستان بداتەوە.

بابەتی هاوپۆل

گیان لە دەستدانی کاسبکارێکی کورد بە هۆی ڕاودوونانی هێزەکانی ڕژیم

کاسبکارێکی کوردی خەڵکی شاری مەهاباد، بە هۆی ڕاودوونانی لە لایەن هێزە نیزامیەکانی ڕژیم ماشینەکەی وەردەگەڕێتەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.