چوار شه‌ممه‌ 16 كانونی دووه‌م 2019
ماڵەوە / جیهان / بە بونبەست گەیشتنی وتووێژەكانی ژێنێڤی٢

بە بونبەست گەیشتنی وتووێژەكانی ژێنێڤی٢

سوریە‌و گروپەكانی نەیاری بەشار ئەسەد لەسەر چۆنیەتی پێكهێنانی حكوومەتی كاتی لە ژێنێڤ ئەنجامێكی ئەوتۆی لێ نەكەوتەوە‌و هاوكات دوو لایەن رایانگەیاند، بڕیاریانداوە كە تا كۆتایی وتووێژەكان درێژە بەو پرۆسەیە بدەن.

ریما فلیحان ئەندامێكی یەكگرتووی نەیارانی بەشار ئەسەد ئەمڕۆ دووشەممە 7ی رێبەندان رایگەیاند، كۆبوونەوەكانی ئەمڕۆ بە هۆی هەوڵی نوێنەرانی دەوڵەتی سوریە بۆ بەلاڕێدابردنی ئەم وتووێژانە سەركەوتوو نەبوو.
لە سێیەم رۆژی كۆبوونەوەكانی ژێنێڤ نەیاران بەرنامەی پێشنیاركراو لە لایەن حكوومەتی دەمشقیان رەتكردەوە‌و وتوویانە، ئەم كۆبوونەوانە دەبێ لەسەر پێكهێنانی ئیدارەیەكی كاتی لە چوارچێوەی كۆبوونەوەكانی ژێنێڤی 1 رابوەستێت.

نەیاران لەسەر ئەو باوەڕەن رێككەوتنی ژێنێڤی 1، بەشداریی بەشار ئەسەد لە دەوڵەتی كاتی داهاتوو بە رەسمی ناناسێت. لە لایەكی دیكەوە رێككەوتنی رۆژی یەكشەممە لە نێوان دوو لایەن سەبارەت بە گواستنەوەی ژنان‌و منداڵان لە شاری حەمس، ئەمریكا داوای لە نوێنەرانی دەوڵەتی دەمشق كردووە رێگە بە هەیئەتێكی یارمەتی گەیاندنی مرۆڤدۆستانە بدەن كە سەردانی شاری حەمس بكەن.

وەزارەتی خەزانەداری ئەمریكا بە دەركردنی راگەیاندنێك تەئكیدی كردوتەوە، رژیمی بەشار ئەسەد لە رابردوودا چەندین جار هەوڵی ئەوەیداوە كە شكست بە نەیاران بهێنێت یان ئەوەیكە بە برسی راگرتن، مەترسی مردن بخاتە سەریان.

 

بابەتی هاوپۆل

چالاکێکی دیکەی ژینگەپارێز لە کامیاران دەستبەسەر کرا

لە درێژەی شەپۆلی دەستبەسەر کردنی هاوڵاتیانی کورد لە شاری کامیاران، هاوڵاتیەکی دیکەی خەڵکی گوندی ئەڵک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.