زاگرۆس پۆست
ناوەندی وەزارەتی پەروەردە لە شاری سەقز بە شێوەیەكی سیستماتیك‌و لە رێگەی بەرپرسانی خۆیەوە، گوشاری ئابووری دەخەنە سەر قوتابیان و هەر دوو مانگ جارێك داوای یارمەتی پووڵی لە بنەماڵەكانیان دەكەن.
باوكی قوتابیەك لە شاری سەقز رایگەیاند، پاش سەردانم بۆ قوتابخانەی ( ر ) ناڕەزایەتی خۆم بەرانبەر بەرپرسانی قوتابخانە دەربڕیوە‌و پێیانم وتووە كە من‌و زۆربەی ئێمە كرێكارین‌و لەم دۆخەی ئێستادا داواكردنی پووڵ‌و یارمەتی ئێوە گوشارێكی زۆر دەخاتە سەر ژیانی ئێمە، بەڵام بەرپرسی قوتابخانەكە لە وەڵامدا هەڕەشەی ئەوەیكردووە ئەگەر دەتەوێت منداڵەكەت لەم قوتابخانە بخوێنێت دەبێ ئەو یارمەتیە بدەیتە قوتابخانە.
سەرەڕای سەردانی هەندێك لە بنەماڵەی قوتابیان بۆ وەزارەتی پەروەردەی شارەكان، تا ئێستا هیچ وەڵامێكی دروست بە سكاڵاكانیان نەدراوەتەوە‌و وتوویانە كە ئەمە بڕیارێكە لە ناوەندەوە هاتووە‌و پێویستە هەمووان یارمەتیدەر بین.
