سێ شه‌ممه‌ 20 تشرینی دووه‌م 2018
ماڵەوە / سیاسی / ئێران چەند گوندی باشوری كوردستانی تۆپباران كرد

ئێران چەند گوندی باشوری كوردستانی تۆپباران كرد

ئەمرۆ چوارشەممە چەندین گوندی ناحیەی ناڵپارێز سەر بە قەزای پێنجوێن لەلایەن ئێرانەوە تۆپباران كران‌و نوێنەری حكومەتی هەرێم لەتاران دەڵێت: مەشقی سەربازیی بووە.
به‌ره‌به‌یانی‌ ئه‌مڕۆ چوارشه‌ممه‌ تۆپخانه‌كانی‌ كۆماری‌ ئیسلامی‌ ئێران زیاتر له‌ 20 گولـله‌ تۆپیان ئاڕاسته‌ی‌ سنوری نێوان هه‌ردوو گوندی (سیامێو و كانی سێف)ی‌ سه‌ربه‌ ناحیه‌ی‌ ناڵپارێزی‌ قه‌زای‌ پێنجوێنیان كردوه‌و به‌هۆیه‌وه‌ ڕووبه‌رێكی زۆر له‌ پوش و پاوان سوتاوه‌، به‌بێ‌ ئه‌وه‌ی‌ هیچ زیانێكی‌ گیانی‌ لێبكه‌وێته‌وه‌.
لەمبارەیەوە‌ نازم ده‌باغ, نوێنه‌ی‌ حكومه‌تی‌ هه‌رێمی‌ كوردستان له‌ تاران راگه‌یاند: له‌سه‌ر تۆپبارانكردنی‌ ئه‌و گوندانه‌ په‌یوه‌ندی‌ به‌ به‌رپرسانی‌ ئێرانه‌وه‌ كردوه‌و پێیانڕاگه‌یاندوه‌، ئه‌وه‌ی‌ رویداوه‌ تۆببارانكردن نه‌بوه‌، به‌ڵكو مه‌شق و راهێنانی‌ سه‌ربازی‌ سوپای‌ پاسداران له‌ ناوچه‌كه‌ بووه‌.
هاوكات هێمن ئیبراهیم, به‌ڕێوه‌به‌ری‌ ناحیه‌ی ناڵپارێز به‌ كەناڵی ( KNN)ی‌ رایگه‌یاند: ئه‌وه‌ بۆ جاری‌ یه‌كه‌مه‌ تۆپخانه‌كانی‌ ئێران له‌م ساڵدا، ئه‌و ناوچانه‌ بۆردومان بكات، له‌ كاتێكدا ساڵانی رابردودا چه‌ندین جار به‌بیانوی بونی هێزی پژاك بۆردومانی ئه‌و گوند و ناوچانه‌ كراوه‌.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.