چوار شه‌ممه‌ 20 ئه‌یلول 2017
ماڵەوە / جیهان / بەڕێوەبەری پێشووی (CIA):عێراق و سوریا بوونیان نه‌ماوه‌

بەڕێوەبەری پێشووی (CIA):عێراق و سوریا بوونیان نه‌ماوه‌

به‌ڕێوه‌به‌ری پێشووی ده‌زگای هه‌واڵگریی و یه‌كێك له‌ فه‌رمانده‌ ئاسمانییه‌كانی سوپای ئه‌مریكا ده‌ڵێت: شتێك نه‌ماوه‌ به‌ناوی عێراق و سوریاو ته‌ئكیدیش ده‌كاته‌وه‌ له‌وه‌ی‌، كورد دۆستی ڕاسته‌قینه‌ی وڵاته‌كه‌یانه‌.
ڕۆژنامه‌ی لۆفیگارۆی فەرانسە له‌ زاری مایكل هایدن به‌ڕێوه‌به‌ری پێشووی CIA و یه‌كێك له‌فه‌رمانده‌ ئاسمانییه‌كانی سوپای ئه‌مریكا بڵاوی كردوه‌ته‌وه‌: شتێك نه‌ماوه‌ به‌ناوی عێراق و سوریا و لوبنانیش ده‌وڵه‌تێكی فاشیله‌و رێككه‌وتننامه‌ی سایكس پیكۆش كه‌ ئه‌و وڵاتانه‌ی خستوه‌ته‌ سه‌ر نه‌خشه‌ی سیاسی، هه‌رگیز ره‌نگدانه‌وه‌ی واقیع نه‌بوه‌، هه‌ربۆیه‌ هه‌ر هه‌وڵێك بۆ زیندوكردنه‌وه‌ی ئه‌و وڵاتانه‌، هه‌وڵێكی شكستخواردوه‌.

له‌به‌شێكی تری لێدوانه‌كه‌یدا، هایدن ده‌ڵێت: سیاسه‌تی ئیداره‌ی ئێستای كۆشكی سپی، كاردانه‌وه‌ی له‌سه‌ر پرسی پڕچه‌ككردنی راسته‌وخۆی كورد هه‌بوه‌، له‌كاتێكدا كورد دۆستی راسته‌قینه‌ی ئه‌مریكایه‌ خۆرهه‌ڵاتی‌ ناوه‌ڕاست.

ئاماژه‌ی به‌وه‌ش كردوه‌: ره‌نگه‌ بۆ ماوه‌ی 30 ساڵ، نائارامیی و پشێویی به‌رۆكی ناوچه‌كه‌ به‌رنه‌دات.

مایكل هایدن راشیگه‌یاندوه‌: ئه‌وه‌ی شاری تكریتی رزگار كرد، میلیشیاكانی سه‌ر به‌ ئێران بوون نه‌ك سوپای عیراق، هه‌ربۆیه‌ سوپا ناتوانێت شاری موسڵ بگرێته‌وه‌ .

بابەتی هاوپۆل

ترامپ: جگە لە رووبەڕووبوونەوە هیچ بژاردەیەکی دیکە لەگەڵ توندوتیژییەکانی رژیمی ئیسلامی ئێران نەماوە

“دۆناڵد ترامپ” سەرۆکی وڵاتە یەکگرتوەکانی ئەمریکا لە کۆبوونەوەی نەتەوە یەکگرتوەکان رایگەیاند کە  نانەوەی توندوتیژی‌وئاژاوه‌گێڕی له‌لایه‌ن …