ماڵەوە / کوردستان / هەڵسوڕاوێكی مەدەنی كورد بە دوو ساڵ زیندان مەحكوم كرا

هەڵسوڕاوێكی مەدەنی كورد بە دوو ساڵ زیندان مەحكوم كرا

فایەق چیرە، هەڵسوراوی مەدەنی خەڵكی شاری مەهاباد لەلایەن دادگای ئینقلابی ئەو شارەوە بە دوو ساڵ زیندان مەحكوم كرا.
بەپێی هەواڵێكی كەمپەینی بەرگری لە بەندكراوانی سیاسی و مەدەنی، ئەو چالاكوانە كوردە لە رۆژانی رابردوودا بۆ ئەنجامی دادگاییەكەی بانگهێشتی ئیدارەی ئیتلاعاتی مەهاباد كراوە و لەلایەن ئەو ناوەندە ئەمنییەوە سزای 2 ساڵ زیندانی پێ‌ راگەیەنراوە.

ئەو چالاكوانە مەدەنییە زستانی ساڵی پار لەلایەن هێزە ئیتلاعاتییەكانەوە دەستبەسەر و پاش 50 رۆژ راگیران، بە بارمتەی 200 ملیۆن تمەن بە شێوەی كاتی لە زیندان ئازاد كرا.

فایەق چیڕە كۆتایی مانگی یەكەمی بەهاری ئەمساڵ و لەلایەن لقی 2ی دادگەی شۆڕشی ئەو شارەوە بە تۆمەتی بەشداری لە خۆپیشاندانی خەڵكی مەهاباد بەمەبەستی پشتیوانی لە خەڵكی كۆبانێ‌ و هەروەها بەلاڕێدابردنی بیروڕای خەڵك و دژایەتیی رژیمی ئێران دادگایی كرا.

فایەق چیڕە خێزاندار و خاوەن دوو منداڵە و بەڕێوەبەری “كۆمپانیای پەیوەندییەكانی داتا”یە لە شاری مەهاباد كە لە بواری كۆمپیۆتەر و ئەنتەرنێتدا چالاكە.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.