ماڵەوە / کوردستان / بەبۆنەی ساڵیادی بۆمبارانی شیمیایی سەردەشت 118 نەمام لەسەردەشت چێندرا (وێنە)

بەبۆنەی ساڵیادی بۆمبارانی شیمیایی سەردەشت 118 نەمام لەسەردەشت چێندرا (وێنە)

ئەمرۆ لە 7ی پوشپەڕی لەساڵیادی بۆمبارانی شیمیایی شاری سەردەشت رێوەڕەسمێكی تایبەت‌و شكۆدار لەو شارە بەڕێوەچوو.

لە رێوەڕسمەكەی ئەمرۆدا 118 نەمامی دار بەڕو بە یادی 118 شەهیدی بۆمبارانی شیمیایی شاری سەردەشت چێندرا.
هەروەها لەو رێوڕەسمەدا كە ژمارەیەك زۆر لەخەڵك سەردەشت‌و چالاكانی مەدەنی لەشارەكانی دیكەی كوردستان تێیدا بەشداربوون، شانۆیەك لە ژێرناوی “بێ تۆ باشتر” لە دەرهێنانی دكتۆر قوتبەدین سادقی لە مەیدانی سەرچاوەی سەردەشت بەڕێوەچوو.

ئەمڕۆ ٧ی پووشپەڕ بیست و هەشتەمین ساڵیادی بۆمبارانی شیمیایی سەردەشتە. لە ئاکامی بۆمبارانکردنی ٤ گەڕەکی شارەکە بە بۆمبی شیمیایی لە لایەن هێزی ئاسمانیی ڕەژیمی بەعسی عێراق، ١١٠ کەس[و بە گوێرەی هەندێک سەرچاوە ١٣٠ کەس] گیانیان لەدەست دا و زیاتر لە ٨٠٠٠ کەسی تر بەم هۆکارەوە بریندار بوون.

بۆمبارانی شیمیایی سەردەشت لە گەرمەی شەڕی درێژخایەنی ئێران و عێڕاقدا بوو و ئەوکات، بە هۆکارگەلی سیاسی، نە لە ئاستی ناوچە و نە لە ئاستی نێودەوڵەتی، گرینگییەکی ئەوتۆ بە بۆمبارانی شیمیایی ئەو شارە و قوربانیانی نەدرا.

هەر ئێستاش زۆرینەی بەرکەوتووانی شیمیابارانکردنەکەی سەردەشت، لە لایەن ئێرانەوە بە کەم ئەندامان نەناسراون و هیچ پشتگیرییەکی دەرمانی و ماڵیان ناکرێن و هەر بۆیەش، بریندارانی ئەو کارەساتە، سەرەڕای تێپەڕبوونی نزیک بە سێ دەیە، ئێستاش بەدەست کاریگەرییەکانی ماددە شیمیاییەکان ئازار دەچێژن.

 

وێنەکان: پەیجی سەلاح رەحمانی

 

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.