ماڵەوە / کوردستان / زیندانیەكی سیاسیی كورد گیانی لەدەستدا

زیندانیەكی سیاسیی كورد گیانی لەدەستدا

زیندانیەكی سیاسیی كورد لە زیندانی سەڵماس بەهۆی جەڵتەی دڵ و وەدواخستنی گواستنەوەی بۆ نەخۆشخانە، گیانی لەدەستدا.

بە پێی راپۆرتەكان لەمبارەوە، رۆژی پێنجشەممە 28ی جۆزەردان “ئەنوەر لاجوەرد” زیندانیی سیاسیی راگیراو لە زیندانی ناوەندیی شاری سەڵماس لە ئاكامی جەڵتەی دڵ و راگیرانی بە ماوەی 2 رۆژ لە نەخۆشخانەی تەورێز، گیانی لەدەست دەدات.

كوڕی ئەو زیندانیە سیاسیە كوردە لە وتووێ لەگەڵ هەواڵنێریی هرانا دەڵێ: باوكم ماوەی 9 مانگ پێش ئێستا بە مەبەستی تێپەڕاندنی حوكمەكەی دەستگیر و راپێچی زیندانی سەڵماس كرابوو، رۆژی سێشەممە بە شێوەیەكی لەناكاو دۆخی جەستەیی تێكدەچێت و لەسەر خۆی دەچێت و پاش دوو یا سێ كاتژمێر كە نایەتەوە سەر خۆی بەرپرسانی زیندان ئامادە دەبن بیگواسنەوە بۆ نەخۆشخانە و پاش بردنی بۆ نەخۆشخانەی تەورێ، پاش 2 رۆژ گیانی لەدەست دەدات.

ئەنوەر لاجوەرد خەڵكی ئاوایی بروشخوانی شاری سەڵماس بووە و لە ساڵی 1386ی هەتاوییەوە بە تاوانی پەیوەندیی لەگەڵ پارتی ژیانی ئازادی كورد دەستگیر و پاش 2 مانگ لێپرسینەوە لە گرتووخانەی ئیدارەی ئیتلاعاتی شاری ورمێ و سەڵماس، بە دانانی بارمتە بە شێوەی كاتیی ئازاد بوو.

ئەو زیندانیە سیاسیە لە دادگای سەرەتایی بە 4 ساڵ زیندان مەحكوم كرابوو و پاشان لە دادگای پێداچوونەوە ئەو حوكمە بۆ یەك ساڵ زیندانی تەعزیری كەم كرایەوە.

بە وتەی بێهنام لاجوەرد، باوكی كرێكارێكی سادە بووە و لە حاڵی تێپەڕاندنی دوایین رۆژەكانی زیندانەكەی بوو.

اعدام

بابەتی هاوپۆل

ابتلا ۵۰ زندانی سیاسی زندان مرکزی ارومیه به ویروس کرونا و وحشت رژیم از شورش زندانیان

شمار زیادی از زندانیان و از جمله ۵۰ زندانی سیاسی زندان مرکزی ارومیه به ویروس …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.