ماڵەوە / کوردستان / تەقینەوەی مین لە شاری قەسری شیرین قوربانیەكی لێ كەوتەوە

تەقینەوەی مین لە شاری قەسری شیرین قوربانیەكی لێ كەوتەوە

بە هۆی تەقینەوەی مین لە شاری قەسری شیرین سەر بە پارێزگای كرماشان هاوڵاتییەكی بریندار بوو.

بە وتەی جێگری فەرمانداری قەسری شیرین، بە هۆی تەقینەوەی مین لە كاتی هەڵگرتنەوەی مەیدانی مین، یەكێك لە ئەندامانی گرووپی هەڵگرتنەوەی مین بریندار بوو.
٦ میلیۆن هێكتار لە خاكی ئێران بە مین چێندراوە و بەپێی دوایین ئامارەكان سەرجەم ١٦ میلیۆن مین لە سەرتاسەری ئێراندا بوونی هەیە و چوار پارێزگای ئیلام، كرماشان، كوردستان و ئورمیە ‌بەهۆی روانینی ئەمنیەتی و سنووریی‌بوون زیاترین رێژەی مینی چێندراویان هەیە.

لە ماوەی دوو مانگی رابردوودا لە پارێزگای ئیلام و شاری قەسری شیرینی سەر بە پارێزگای كرماشان بەهۆی چەند تەقینەوەیەكی مین كە هی سەردەمی شەڕی ئێران و عێراق بووە، چەند هاووڵاتییەك كە منداڵیشیان تێدا بوو گیانیان لەدەست دا و بریندار بوون.

وێڕای ئەوەیكە نزیكەی 3  دەیە بەسەر كۆتایی هاتنی شەڕی ئێران و عێراقدا تێپەڕ دەبێ، بەڵام ئێران هەتا ئێستە ئامادە نەبووە ببێتە ئەندامی پەیماننامەی “ئۆتاوا”، لە حاڵێكدا دەبێ هەموو وڵاتێك دوای 10 ساڵ لە كۆتایی هاتنی شەڕ كێڵگە مینڕێژ كراوەكان لە مین پاك بكەنەوە.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.