چوار شه‌ممه‌ 16 كانونی دووه‌م 2019
ماڵەوە / کوردستان / مانگێکی سوور به ئاڵای هه‌رێمی کوردستان زیادکرا

مانگێکی سوور به ئاڵای هه‌رێمی کوردستان زیادکرا

له ساڵیادی له‌دایکبوونی پێغه‌مبه‌ری ئیسلامدا، شێوازێکی نوێ له ئاڵای هه‌رێمی کوردستان له شارو شارۆچکه‌کانی هه‌رێمی کوردستان بڵاو بووه‌ته‌وه. له شێوازی نوێی ئاڵای هه‌رێمی کوردستاندا مانگێکی سوور خراوه‌‌ته ناو خۆره‌که‌و کۆمه‌ڵێک نووسراوه‌ به زمانی عه‌ره‌بی تایبه‌ت به یادی له‌دایکبوونی پێغه‌مبه‌ری ئیسلام به ئاڵاکه زیاد کراوه.

ئه‌گه‌رچی له‌وانه‌یه لایه‌نێکی تایبه‌ت له پشتی نه‌خشه‌ی نوێی ئاڵای هه‌رێمی کوردستانه‌وه بێت، به‌ڵام به شێوه‌یه‌کی به‌ربڵاو له دووکان‌و بازاڕی هه‌ولێر‌و سلێمانی بڵاو بووه‌ته‌وه‌و ژماره‌یه‌ک له ئۆتۆمبێله‌کان ئه‌و ئاڵاو هێماگه‌له‌یان هه‌ڵواسیوه.

جگه له بۆچوونی سه‌له‌فییه‌‌ت که ئاهه‌نگی یادی له‌دایکبوونی پێغه‌مبه‌ری ئیسلام به حه‌رام ده‌‌زانێت، ساڵانه موسڵمانه‌کان به شێوازی جۆراوجۆر یادی له‌دایکبوون پێغه‌مبه‌ره‌که‌یان ده‌که‌نه‌وه‌. به شێوه‌ی کۆنی، له کوردستاندا ئه‌و یاده له چوارچێوه‌ی رێوڕه‌سمی ‘مه‌‌ولویی’دا کراوه‌ته‌وه، به‌ڵام به تازه‌یی ئیسلامییه‌کان له کوردستان بۆنه ئایینییه‌کانیان تێکه‌ڵ به هێما نه‌ته‌وه‌ییه‌کان کردووه.

وێنه: دیواری مه‌ریوان نه‌قشبه‌ندی، وه‌زیری ئه‌وقافی حکومه‌تی هه‌رێمی کوردستان.

 

بابەتی هاوپۆل

چالاکێکی دیکەی ژینگەپارێز لە کامیاران دەستبەسەر کرا

لە درێژەی شەپۆلی دەستبەسەر کردنی هاوڵاتیانی کورد لە شاری کامیاران، هاوڵاتیەکی دیکەی خەڵکی گوندی ئەڵک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.