زاگرۆس پۆست
شارەداری سنە رایگەیاند: پاش بەدواداچوونی پێویست لە لایەن شارەداریی و بە هاوكاریی دامەزراوە پەیوەندیدارەكان لە بەشی ماڵیی شارەداریی سنە، لە ئاكامدا 11 تۆمەتبار لە پەیوەند لەگەڵ دزیی كردن (اختلاس) دەستگیر كران.
بە پێی راپۆرتی سەرچاوە ناوخۆییەكان، “كامیاب شادمان” لە دانیشتنێكی رۆژنامەوانیدا رایگەیاند: تا ئێستا هەر بڕگەیەكی چاكسازیی لە پەیوەند لەگەڵ شارەداریی لە لایەن وەزارەتی ناوخۆی دەركراوە، بە زیانی شارەداریی بووە.
ناوبراو لە بەشێكی دیكەی وتەكانیدا سەبارەت بە خواستەكانی شارەداریی وتی، لە ساڵی 93 هەوڵی زۆرماندا بۆ خواستەكانمان جێبەجێ بكرێت و تا ئێستا 10 میلیارد لە وەسڵی پارەكان جێەجێ كراوە و 35 میلیاردی دیكە وەسڵ نەكراوە و لەم پەیوەندەدا 11 كەسمان دەستگیر كردووە.
شایانی باسە، لەم ساڵانەی دواییدا چەندین دۆسیەی گەورەی دزیی كردن لە بەشە جیاجیا ئیداریەكانی كۆماری ئیسلامی دەركەوتوون و چەندین كەس لەو پەیوەندەدا دەستگیر كراون، بەڵام زۆرێك لە چاودێرانی سیاسی لەسەر ئەو بڕوایەدان كە هەموو دەستوپەیوەندەكانی ئەو دزیی كردنانە سەرێكیان بە حكومەتەوە بەنە.
