سێ شه‌ممه‌ 18 كانونی یه‌كه‌م 2018
ماڵەوە / کوردستان / 2 ژنی كورد بە هۆی رووداوی ئاگركەوتنەوە گیانیان لەدەستدا

2 ژنی كورد بە هۆی رووداوی ئاگركەوتنەوە گیانیان لەدەستدا

2خوشكی خەڵكی شاری نۆدشە بەهۆی ئاگركەوتنەوە لە ماڵەكەیان تووشی سووتان هاتن و پاش چەند رۆژ مانەوە لە نەخۆشخانە گیانیان لەدەستدا.

بە پێی هەواڵی گەیشتوو بە “زاگرۆس پۆست”، بە هۆی ئاگركەوتنەوە لە ماڵی هاوڵاتییەك بە ناوی “عەبدوڵڵا شەبرەندی” لە شاری نۆدشە سەر بە پارێزگای كرماشان، 2 خوشك بە ناوەكانی “شەهلا و چنوور شەهابی” بەهۆی سووتانەوە گیانیان لەدەستدا.

ئەم ئاگركەوتنەوەیە چەند رۆژ پێش ئێستا روویداوە و وێڕای ئەوەیكە ئەم دوو خوشكە پاش رووداوە دەگواسترێنەوە بۆ نەخۆشخانەوە و نەشتەرگەریی پزیشكییان بۆ دەكرێ، بەڵام بەهۆی كاریی بوونی برینەكانیان بە هۆی سووتاوییەوە، گیانیان لەدەست دەدەن.

دەوترێ، خوشكێكی دیكەی ئەم 2 ژنە كوردە بە ناوی “فائێزە شەهابی” ساڵانی زوو لە نێو ریزەكانی “كۆمەڵە”دا گیانی بەخت كردووە، هەر بەم بۆنەشەوە “كۆمەڵە ی زەحمەتكێشانی كوردستان” سەرەخۆشی و پرسەی ئاراستەی بنەماڵەكانیان كردووە و ئاماژەی داوەتە ئەوەیكە “شەهلا و چنوور” لەو ژنە كوردانە بوون كە هەمیشە یارمەتیدەر و لایەنگریی بزووتنەوەی شۆڕشگێڕانەی كوردستان بوون.

بابەتی هاوپۆل

سازمانی خەبات لە ناوەندی هاوكاریی حیزبەكان كشایەوە

كومیتەی ناوەندیی سازمانی خەباتی كوردستانی ئێران لە بەیاننامەیەكدا كشانەوەی خۆیان لە ناوەندی هاوكاری حیزبەكانی كوردستانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.