پێنج شه‌ممه‌ 28 ئازار 2024

لە ماوەی سێ رۆژدا 44 كەس لە ئێران ئێعدام كراون

لە ماوەی سێ رۆژی رابردوو 44 كەس لە شارە جیاجیاكانی ئێران و لە لایەن دام و دەزگا قەزایی و ئەمنیەتییەكانی كۆماری ئیسلامیەوە ئێعدام كراون.

بە پێی راپۆرتی سەرچاوە هەواڵنێرییەكانی مافی مرۆڤ، سەرلەبەیانیی ئەمڕۆ سێشەممە 19ی مانگی جۆزەردان 2 كەس بە تاوانی ئەنجامدانی دەستدرێژیی سێكسی لە شاری بابەك لە پێش چاوی خەڵك لەسێدارە دران و ژنێكی 32 ساڵ تەمەنیش بە تاوانی كوشتنی مێردەكەی ئێعدام كرا.

ئەمەش لەحاڵێكدایە كە، سەرلەبەیانیی رۆژی رابردوو 5 كەس لە زیندانی ناوەندیی شاری كەرەج لەسێدارە دران و 11 كەسیش لەوانە 3 ژن لە زیندانی بەندەرعەباس بە تاوانی بازرگانیی بە مادەهۆشبەرەكان لەسێدارە دراون كە ناوی پیاوەكان بەمچەشنەیە “چراغ گوشاد 38 ساڵە و خەڵكی سیستان و بەلوچستان، فەرهاد مەنافی 58 ساڵە و خەڵكی ورمێ، محەمەد شەفیعی جەم 63 ساڵە خەڵكی خوڕەم ئاباد، گوڵ محەمەد شەهدادی 33 ساڵە و خەڵكی زابۆل، عەبدولمەجید پەرەند ئاوەر 65 ساڵە خەڵكی بەندەر عەباس، خان میرزا جەعفەری 57 ساڵە خەڵكی تەبرێز، مەنسور موختار نژاد 40 خەڵكی زاهیدان، حەسەن میرزایی 25 ساڵە و خەڵكی كەرەج”.

هەر سەرلەبەیانیی دوێنێ دووشەممە 18ی مانگی جۆزەردان 11 كەس لە زیندانی قزڵحساری كەرەج بە تاوانی قاچاخی مادەهۆشبەرەكان ئێعدام كران و ئەمەش لەحاڵێكدایە كە لە ماوەی رۆژانی رابردوو 35 كەس لەم زیندانە بە مەبەستی ئێعدام رەوانەی ژووریی تاكەكەسی كرابوون.

لە لایەكی دیكەوە 6 هاوڵاتیی كورد بە ناوەكانی “بێهروز دەروێشی، نوسرەت عەباسی، محەمەد بەهائەدینی، خورشید عەباس نژاد، بێهنام خەلیل پوور و رەسوڵ محەمەدی” لە زیندانی ورمێ بە هەمان تاوان لەسێدارە دران.

هەروەها لە زیندانی ناوەندیی قائێم شەهر لە پارێزگای مازەندەران بە تاوانی ئەنجامدانی قەتڵ لەسێدارە درا.

ئەمەش لەحاڵێكدایە، كە رۆژی یەكشەممەش 7 كەس بە تاوانی بازرگانی كردن بە مادەهۆشبەرەكانەوە لە زیندانی شیراز لەسێدارە دران.

شایانی باسە، رێژەی ئێعدامەكانی لە ماوەی رابردوو بە ئاستێكی سەرسوڕهێنەر لە ئێران زیادی كردووە و راگەیاندنەكانیش تا ئێستا بە چاوی بایەخەوە لەم بابەتە گرنگە نەیان روانیوە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.