ماڵەوە / ئێران / رێژەی ئێعدامەكان لە ئێران گەیشتە 36 كەس

رێژەی ئێعدامەكان لە ئێران گەیشتە 36 كەس

لە ماوەی 2 رۆژی رابردوو 36 كەس لە ئێران ئَعدام كراون كە لانیكەم 6 كەسیان كوردن و 3 كەسیشیان ژنن.

بە پێی راپۆرتی هرانا، سەرلەبەیانیی ئەمڕۆ 11 كەس لەوانە 3 ژن لە زیندانی بەندەرعەباس بە تاوانی بازرگانیی بە مادەهۆشبەرەكان لەسێدارە دراون كە ناوی پیاوەكان بەمچەشنەیە “چراغ گوشاد 38 ساڵە و خەڵكی سیستان و بەلوچستان، فەرهاد مەنافی 58 ساڵە و خەڵكی ورمێ، محەمەد شەفیعی جەم 63 ساڵە خەڵكی خوڕەم ئاباد، گوڵ محەمەد شەهدادی 33 ساڵە و خەڵكی زابۆل، عەبدولمەجید پەرەند ئاوەر 65 ساڵە خەڵكی بەندەر عەباس، خان میرزا جەعفەری 57 ساڵە خەڵكی تەبرێز، مەنسور موختار نژاد 40 خەڵكی زاهیدان، حەسەن میرزایی 25 ساڵە و خەڵكی كەرەج”.

هەر سەرلەبەیانیی ئەمڕۆ دووشەممە 18ی مانگی جۆزەردان 11 كەس لە زیندانی قزڵحساری كەرەج بە تاوانی قاچاخی مادەهۆشبەرەكان ئێعدام كران و ئەمەش لەحاڵێكدایە كە لە ماوەی رۆژانی رابردوو 35 كەس لەم زیندانە بە مەبەستی ئێعدام رەوانەی ژووریی تاكەكەسی كرابوون.

لە لایەكی دیكەوە 6 هاوڵاتیی كورد بە ناوەكانی “بێهروز دەروێشی، نوسرەت عەباسی، محەمەد بەهائەدینی، خورشید عەباس نژاد، بێهنام خەلیل پوور و رەسوڵ محەمەدی” لە زیندانی ورمێ بە هەمان تاوان لەسێدارە دران.

هەروەها لە زیندانی ناوەندیی قائێم شەهر لە پارێزگای مازەندەران بە تاوانی ئەنجامدانی قەتڵ لەسێدارە درا.

ئەمەش لەحاڵێكدایە، كە رۆژی رابردووش 7 كەس بە تاوانی بازرگانی كردن بە مادەهۆشبەرەكانەوە لە زیندانی شیراز لەسێدارە دران.

دەبێ بوترێ، لە ماوەی رابردوودا رەوتی ئێعدامەكان لە ئێران بە ئاستێكی سەرسوڕهێنەر زیادی كردووە و لە ماوەی 2 مانگ و نیوی رابردوو لانیكەم 200 كەس بە ئاشكرا و نهێنی لەسێدارە دراون، كە كۆماری ئیسلامی لە بڵاوكردنەوەی شوناسی زۆربەی ئەو كەسانە خۆی دەبوێرێت.

بابەتی هاوپۆل

مامۆستایەکی کورد بە یەکساڵ زیندان مەحکوم کرا

ئومید شامحەمەدی، چالاکی فەرهەنگی خەڵکی شاری دیواندەرە لە لایەن لقی یەکی دادگای ئینقلابی شاری سنەوە، …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.