چوار شه‌ممه‌ 12 كانونی یه‌كه‌م 2018
ماڵەوە / کوردستان / كۆڵبەرێكی دیكەی كورد لە دەستی هێزەكانی ئێران كوژرا

كۆڵبەرێكی دیكەی كورد لە دەستی هێزەكانی ئێران كوژرا

كۆڵبەریكی دیكەی كورد لە ناوچە سنوورییەكانی شاری سەردەشت لە لایەن هێزەكانی كۆماری ئیسلامییەوە دراوەتە بەر دەستڕێژی گوللە و كوژراوە.

شەوی یەكشەممە لەسەر دووشەممە 18ی مانگی جۆزەردان، كۆڵبەرێكی كورد بە ناوی ” مەجید ئەحمەدی” تەمەن 24 ساڵ لە نزیك ئاواییەكی سەر سنوور شاری سەردەشت لەگەڵ باشووری كوردستان لە لایەن هێزە چەكدارەكانی ئێرانەوە دراوەتە بەردەستڕێژی گوللە و كوژراوە.

ئەو كۆڵبەرانە نزیك بە پێنج كەس بوون و ئەوانی دیكە لە ترسی گیانی خۆیان هەڵاتوون و پاش ئەوەی گەڕاونەتە شوێنی رووداوەكە تەرمی مەجیدیان دۆزیوەتەوە.

شایانی باسە، بە هۆی نەبوونی كار و پیشەی گونجاو، زۆرێك لە خەڵكی شارە سنوورییەكانی رۆژهەڵاتی كوردستان روویان كردووەتە كاری پڕمەترسیی كۆڵبەریی لە سەر سنوورەكان و ساڵانە بە دەیان كۆڵبەری كورد بە هۆی دەستڕێژی گوللە و سەرما و سۆڵە لە سەر سنوورەكان گیانیان لەدەست دەدەن یان بەرەوڕووی خەساری ماڵیی دەبنەوە.

بابەتی هاوپۆل

سەپاندنی حوکمی شەش ساڵ زیندان بە سەر پارێزەرێکی کورد

پارێزەرێکی کوردی خەڵکی شاری سەقز لە لایەن دادگای شۆڕشی ڕژیم لە شاری تاران حوکمی ٦ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.