هه‌ینی 14 كانونی یه‌كه‌م 2018
ماڵەوە / ئێران / بە دەیان هەزار منداڵ لە ئێران وازیان لە خوێندن هێناوە

بە دەیان هەزار منداڵ لە ئێران وازیان لە خوێندن هێناوە

جێگری پەروەردەی نێهزەتی سەوادئامووزیی ئێران دەڵێ لە ساڵی ڕابردوودا 67 هەزار قوتابی تەنیا لە قۆناغی سەرەتاییدا، وازیان لە خوێندن هێناوە.

“محەممەد مێهدیزادە” جێگری پەروەردەی نێهزەتی سەوادئامووزی وێڕای ڕاگەیاندنی ئەم هەواڵە وتی: پارێزگای سیستان و بەلووچستان 20%ی ئەم ئامارەی بەر كەوتووە كە زۆربەی حاڵەكانی وازهێنان لە خوێندنی قوتابییان لەو پارێزگایە، بۆ هەژاری، نەخوێندەواری‌و كەم خوێندەواری دایك و باوكەكان دەگەڕێتەوە.

بەوتەی مێهدیزادە لە ئێران 9 میلیۆن و 700 هەزار كەس نەخوێندەوارن، كە 143 هەزار كەسی ئەم رێژەیە نەخوێندەوارە لە منداڵانی 6 تا 18 ساڵ پێك هاتووە كە بۆ ساڵی خوێندنی 93_ 94 لە هیچ خوێندنگەیەك ناونووسییان نەكردووە.

مانگی پووشپەڕی ساڵی ڕابردوو ناوەندی ئاماری ئێران ڕایگەیاندبوو كە پارێزگای سیستان‌و بەلووچستان بە 29%ی نەخوێندەواریی خەڵكەكەی، نزمترین نێونجیی ئاستی خوێندەواریی پارێزگاكانی لە ئێران بۆ تەرخان كراوەو پارێزگای سنەش بە 23%ی لە ڕیزبەندیی ەخوێندەواریی ناوچەكانی ئێراندا لە پلەی دووهەمدا جێی گرتووە.

هەروەها لە مانگی بەفرانباری ساڵی ڕابردوو، عەلی باقری، سەرۆكی ڕێكخراوی نێهزەتی سەوادئامووزیی ئێران ڕایگەیاند كە ڕێژەی نەخوێندەواری لە سیستان‌و بەلووچستان 23% ە.

ناوبراو وتیشی: پاش سیستان و بەلووچستان پارێزگاكانی ورمی، سنە، لۆڕستان، كرمان و خۆراسانی باكوور، دوا بەدوای یەك بەرزترین ئاستی نەخوێندەوارییان هەیە.

بە قسەی محەممەد مێهدیزادە، جێگری فێركاریی نێهزەتی سەوادئامووزی لە ئێران 3 میلیۆن‌و 500 هەزار نەخوێندەوار تەمەنیان ژێر 50 ساڵە.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.