پێنج شه‌ممه‌ 21 ئازار 2019
ماڵەوە / کوردستان / چالاكێكی كرێكاریی دیكە لە زیندان ئازاد كرا

چالاكێكی كرێكاریی دیكە لە زیندان ئازاد كرا

“پێدرام نەسرۆڵڵاهی” ناسراو بە (نەبەز) پاش زیاتر لە یەك مانگ مانەوە بەندیخانە شاری سنە، بە دانانی بارمتە و بە شێوەی كاتیی ئازاد كرا.

بە پێی هەواڵی گەیشتوو بە “زاگرۆس پۆست”، پێدرام نەسرۆڵڵاهی ناسراو بە (نەبەز) چالاكی كرێكاریی كوردی خەڵكی شاری سنە رۆژی رابردوو لە گرتووخانەی ئیدارەی ئیتلاعاتەوە رەوانەی زیندانی ناوەندیی شاری سنە كرا و دوانیوەڕۆی ئەمڕۆ ئەمڕۆ سێشەممە 12ی مانگی جۆزەردان پاش تێپەڕاندنی 35 رۆژ زیندان، بە دانانی بارمتەی 100 میلیۆن تمەنی بە شێوەی كاتیی ئازاد كرا.

ناوبراو رێكەوتی 9ی مانگی گولانی ئەمساڵ لە بەرەبەری یەكی مانگی ئەیار رۆژی جیهانیی كرێكار، لە لایەن هێزە ئەمنیەتیی و ئیتلاعاتییەكانی كۆماری ئیسلامی پاش هێرش بۆ سەر ماڵەكەیان و لێدان و سووكایەتی پێ كردن، دەستگیر و راپێچی ئیدارەی ئیتلاعاتی شاری سنە كرا.

جێگای وەبیرهێنانەوەیە، لە ماوەی رۆژی شەممە و یەكشەممەی ئەم هەفتەیە 4 چالاكی كرێكاریی كوردی دیكە بە ناوەكانی “مەنیژە سادقی، مەحمود ساڵحی، ئارام و فواد زەندیی” لە زیندانی شاری سنە ئازاد كران.

شایانی باسە، لە بەرەبەری یەكی مانگی ئەیار رۆژی جیهانیی كرێكار، بە دەیان چالاكی كرێكاریی لە كوردستان و ئێران دەستگیر كران و رەوانەی زیندان و گرتووخانەكانی كۆماری ئیسلامی كران.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.